Müxbir onu söyən generalı məhkəməyə verir

Xəbərin çap versiyası
Tarix: 13-06-2018, 10:14    |    Xəbər oxunub: 664 dəfə
Müxbir onu söyən generalı məhkəməyə verir


Əflatun Amaşov: “Heç bir əndazəyə sığmayan, yaraşmaz reaksiyadır”



DİN-in Baş Pasport, Qeydiyyat və Miqrasiya İdarəsinin sabiq rəisi, polis general-mayoru və Quba Rayon İcra Hakimiyyətinin sabiq başçısı Ərziman Əliyev “Bizim yol” qəzetinin əməkdaşı Əli Vəliyevi (Cahangiroğlu) ağır söyüşlərlə təhqir edib. Belə ki, müxbir ona telefon açaraq, bu günlərdə Göyçayda baş vermiş körpü uçması hadisəsinin baiskarlarından biri kimi onun qardaşının həbs olunması məsələsinə dair açıqlama almaq istəyib. General isə dərhal ağır söyüşlər söyməyə başlayıb.

Bu hal ilk dəfə baş vermir. Bundan əvvəl də həmkarlarımız iş başında müxtəlif vəzifəli, rütbəli şəxslər tərəfindən ağır təhqirlərə məruz qalıb.

Polis general-mayoru Ərziman Əliyevin təhqir etdiyi Əli Vəliyev onu məhkəməyə verməyə hazırlaşır. O, Ə.Əliyevin üzrünü qəbul etməyəcəyini deyir: “Bu hadisədən sonra heç bir üzrxahlıq olmayıb. Ərziman Əliyev mənə zəng etməyib. Bununla bağlı vəkilim Tahir Əlirzayevlə də danışmışam. Bu istiqamətdə bütün hüquqi addımları atacağıq. Zəng edib üzr istəsə belə bu onu məsuliyyətdən azad etmir. Jurnalisti iş başında belə ağır formada təhqir etmək cinayətdir. Necə olur, jurnalisti söyürsən, sonra üzr istəyirsən? Belə şey ömründə ola bilməz. O, təqaüddə olsa belə, general-mayor rütbəsi daşıyır. Üzr istəsə də qəbul etməyəcəyəm. Rütbəsindən imtina edərək məndən üzr istəməlidir. Audioyazıda da dinləmisiniz, səs yazısının əvvəli də odur, sonu da. Mən ona tam etik normalar daxilində müraciət edirəm ki, başqa sayt bu haqda xəbər yazıb, amma sizin mövqeyinizi qoymamışdı. Əslində o, sevinməli idi ki, zəng vurub, həbs edilən şəxsin həqiqətən onun qardaşı olub-olmamağını öyrənirəm. Bu, ona qarşı qarayaxma kampaniyası da ola bilərdi. O da ya ”hə" deyə bilərdi, ya da “yox”. Yaxud bu haqda açıqlama vermək istəmədiyini də deyə bilərdi. 10 illik jurnalist fəaliyyətimdə hələ belə təhqir eşitməmişdim. İlk dəfədir ki, belə bir şey eşidirəm və çox üzgünəm. Bir neçə il əvvəl də ona zəng etmişdim. Bir nəfər xarici vətəndaş vardı, onun pasport məsələsi ilə bağlı. Pasportunda səhvə yol vermişdilər. O zamanlar da çox kobud rəftar eləmişdi".

Məsələyə Mətbuat Şurasının sədri Əflatun Amaşov da reaksiya verib. Ə. Amaşov fikrini sosial şəbəkə vasitəsilə çatdırıb. O bildirib ki, vəzifə səlahiyyətlərini yerinə yetirən jurnalistin təhqirə, aşağılayıcı rəftara məruz qalması yolverilməzdir: “Buna görə də ”Bizim yol" qəzetinin əməkdaşı Əli Cahangiroğlunun üzləşdiyi durumdan dərin təəssüf hissi keçirirəm. Hesab edirəm ki, bu təəssüf hissini bütövlükdə media ictimaiyyəti qəzəbli və hiddətli şəkildə yaşamaqda tam haqlıdır.

Müxbir onu söyən generalı məhkəməyə verir


Biz hər zaman vəzifə sahiblərinin, dövlət məmurlarının, daşıdığı missiya ictimai əhəmiyyət kəsb edən hər kəsin media ilə davranışının korrekt olmasını yalnız etik baxımından əsaslandırmır, eyni zamanda demokratik cəmiyyət quruculuğunun vacib şərti kimi izah edirik. Əlbəttə, demək olmaz ki, jurnalistlər də öz işlərinin öhdəsindən tam peşəkarlıqla gəlirlər. Mövcud sahədə kifayət qədər problemlər var. Ancaq “Bizim yol” qəzeti əməkdaşının üzləşdiyi durum fərqli müstəvidə dəyərləndiriləcək, hansısa səbəb axtarılacaq məsələ deyil. Ortada jurnalistin ünvanladığı konkret sual və qarşı tərəfin heç bir əndazəyə sığmayan, yaraşmaz reaksiyası var".

Mətbuat Şurasının sədri hesab edir ki, yüksək dövlət vəzifələri daşımış şəxsin işlətdiyi nalayiq söz bütövlükdə cəmiyyət üçün sarsıntıdır: “Düşünürəm ki, Ərzuman Əliyev də məsələnin fərqində olmalı, nəticə çıxarmalıdır”.

Maraqlıdır, təhqirlə qarşılaşan jurnalist necə reaksiya verməlidir?

Müxbir onu söyən generalı məhkəməyə verir


Media eksperti Arif Əliyevin sözlərinə görə, jurnalist iş başında olduğunu unutmamalı, istənilən halda adekvat cavab verməlidir: “Jurnalistin etik kodeksində belə hal konkret olaraq nəzərdə tutulmur. Çünki etik prinsiplər fundamental prinsiplərdir. Bu anda jurnalist nə istəsəniz edə bilər, bircə qarşılıqlı kobudluq edə bilməz. Bu cür təhqir formasına görə qanun çərçivəsində cavab verməlidir. Kobudluğa kobudluqla cavab vermək çıxış yolu deyil. Jurnalist də kobud cavab verərsə, həm ictimai qınağa məruz qalacaq, həm də öz hüququnu qorumaq üçün digər haqlardan məhrum olacaq. Bu halda bəlkə təşəkkür etmək daha böyük söyüş olardı. İctimai qınaq yaratmaq və o şəxsin sonradan özünə baxıb utanmaq şansı vermək üçün yazılmış səs mütləq ictimaiyyətə çatdırılmalıdır. Bu cür təhqirlər hüquqi məsuliyyət yaradır. Başqalarının da belə davranışlara yol verməməsi üçün o şəxs məhz söyüşə görə məsuliyyət daşımağa məcbur edilməlidir”. (musavat.com)




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
Ermənistanın Xankəndi ilə bağlı yalanı ifşa olundu-

Ermənistanın Xankəndi ilə bağlı yalanı ifşa olundu- FOTOLAR

Axtarışda olan 15 nəfər saxlanılıb

Axtarışda olan 15 nəfər saxlanılıb

Ali Məhkəmə Baş Prokurorluğun protestini rədd etdi:

Ali Məhkəmə Baş Prokurorluğun protestini rədd etdi: Azərbaycanda nadir hadisə

Bakı-Yevlax yolunda iki nəfəron ölümü ilə nəticələnən yol qəzası baş verib

Bakı-Yevlax yolunda iki nəfəron ölümü ilə nəticələnən yol qəzası baş verib

Araz çayında batmış şəxsin cəsədi aşkarlanıb

Araz çayında batmış şəxsin cəsədi aşkarlanıb

Azərbaycanda yaşayan Türkiyə vətəndaşları səs verirlər

Azərbaycanda yaşayan Türkiyə vətəndaşları səs verirlər

Cəbhədə gərginlik davam edir

Cəbhədə gərginlik davam edir

Tərtərlilər Milli Qurtuluş Gününü qeyd ediblər

Tərtərlilər Milli Qurtuluş Gününü qeyd ediblər

Qənirə Paşayeva Tovuzda Milli Qurtuluş Günü və Ramazan bayramı tədbirində gənclərə çağırış edib

Qənirə Paşayeva Tovuzda Milli Qurtuluş Günü və Ramazan bayramı tədbirində gənclərə çağırış edib

Nikah dövründə əldə edilmiş əmlaka sərəncam verilməsi proseduru müəyyənləşdi

Nikah dövründə əldə edilmiş əmlaka sərəncam verilməsi proseduru müəyyənləşdi

Azərbaycanlı jurnalisti öldürən sürücüyə hökm oxundu

Azərbaycanlı jurnalisti öldürən sürücüyə hökm oxundu

Pensiya yaşına çatmış şəxslər üçün sosial xidmət müəssisəsində  bayram tədbiri keçirilib

Pensiya yaşına çatmış şəxslər üçün sosial xidmət müəssisəsində bayram tədbiri keçirilib

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur