Gəncədə Elmar Vəliyevə sui-qəsdin daha bir iştirakçısı həbs edilib
Gəncədə iyulun 3-də baş vermiş terror aktında iştirakda ittiham edilən daha bir nəfər həbs olunub.
Bu barədə virtualaz.org-a hüquq-mühafizə orqanlarındakı mənbələr məlumat veriblər.
İnformasiyaya əsasən, həbs olunan əslən Ermənistan SSR-dən olan 1966-cı il təvəllüdülü Akif Əliyevdir.
Xatırladaq ki, iyulun 3-də saat 20:30-da Gəncə Şəhər İcra Hakimiyyətinin inzibati binasının qarşısında icra başçısı Elmar Vəliyevə silahlı hücum edilib. Cinayəti törətmiş 1983 təvəllüdlü Yunis Səfərov hadisə yerində olan polis əməkdaşları tərəfindən dərhal saxlanılıb və tərksilah edilib.
