ABŞ-ın Men ştatında yaşayan bakılı balası

Xəbərin çap versiyası
Tarix: 19-03-2019, 11:34    |    Xəbər oxunub: 561 dəfə
ABŞ-ın Men ştatında yaşayan bakılı balası


Babası Mahmud Əhmədov ADR ordusunun Lənkəran bölgəsi üzrə komandanı olub. Sonradan "Zaqafqaziya Dəmir Yolçuları Həmkarlar Təşkilatı"na rəhbərlik edib. 1938-ci ildə repressiyaya məruz qalıb, Hüseyn Cavidlə sürgündə bir yerdə olublar. Atası Rüstəm Əhmədov ticarət sahəsində işləyib, onun beş yaşı olanda dünyasını dəyişib. Anası Balacaxanım Məmmədova isə Novxanıda nüfuz sahiblərindən biri olmuş məşhədi Qəmbəralının qızıdır. Hazırda 85 yaşı var...



Haqqında söhbət açdığım Tərlan Əhmədov bir başqa aləmdir. Danışdıqca şirin Bakı ləhcəsi ilə məni sehirləmişdi. Elə bilirdim ki, haradasa Novxanıda dəniz sahilində, istirahət guşələrindən birində əyləşib dərdləşirik. Başına gələnlərdən, gəzdiyi ölkələrdən, qazandığı uğurlardan elə maraqla danışırdı ki, bu soydaşımızın varlığından qürur hissi keçirirdim…

O, 1972-ci ildə Bakıda dünyaya gəlib. 1989-cu ildə 248 nömrəli məktəbdə orta təhsilini başa vuraraq, sanitariya-epidemioloji mərkəzdə işə düzəlib. 1991-ci ildə indiki Bakı Dövlət Universitetinə qəbul olunanadək orada çalışıb. 1997-ci ilədək həmin universitetin tarix fakultəsinin axşam şöbəsində ali təhsil alıb. Eyni zamanda Binəqədi rayon Təhsil şöbəsində, sonradan orta məktəblərdən birində tarix müəllimi işləyib. 1999-2003-cü illərdə özəl sektorda tərcüməçi-məsləhətçi kimi fəaliyyət göstərib. 2003-cü ildən ABŞ-ın Men ştatının Portland şəhərində yaşayır. İngilis, fars, rus, tacik, türk dillərində səlis danışır…

Deyir ki,- "ABŞ böyük ölkədir. Gəlmək istəyənlər buyurub gələ bilərlər. Əvvəl çətinlikləri olsa da sonradan həyat öz axarına düşəcək. Amma bir şeyi unutmasınlar ki, burada heç kim heç kimi gözləmir. Hər şeyi özün əldə etməlisən"…

ABŞ-ın Men ştatında yaşayan bakılı balası


Amerikaya gələndən sonra bir müddət Cənubi Men Universitetində oxuyaraq ingilis dilinə mükəmməl yiyələnib. 2003-cü ildən 2016-cı ilədək "Qaçqınlar və İmiqrasiya İdarəsi"ndə sıravi işçidən şöbə rəhbəri vəzifəsinədək yüksəlib. 2017-ci ildən Men ştatının "Qaçqınların Məskunlaşması Federal Proqramı"nın kordenatoru vəzifəsində işləyir. Həm də "Men Azərbaycanlıları İcması"nın rəhbəridir…

Onu başqa ştatlarda ölkəmizlə bağlı fəaliyyət göstərən cəmiyyətlərdən fərqləndirən bir cəhət var. Həyata keçirdiyi bütün tədbirləri yerli hökumət səviyyəsində edir. Məsələn, həmin gün rəsmən bəyan edilir ki, Novruz bayramı keçiriləcək və beləliklə bütün imiqrant, qeyri imiqrant icmaların nümayəndələri tədbirə qoşulurlar. Bundan əlavə məhz onun sayəsində Men ştatının hər iki palatası Xocalı soyqrımı ilə əlaqədar qətnamə qəbul edib. Ştatda baş tutan rəsmi tədbirlərin əksəriyyətinə icma rəhbəri kimi dəvət olunur, ona çıxış üçün şərait yaradılır. Ştatın qubernatoru Cənet xanım Milslə şəxsən tanışdır, dostluq əlaqələri də var. Aşağıda gördüyünüz şəkillərdən biri Cənet xanımın Əhmədovlar ailəsi ilə birlikdə olduğu zamanı əks edir.
Ştatın baş prokuroru, polis rəisləri, universitet rəhbərləri ilə gözəl işgüzar münasibəti var. Bir sözlə yeganə azərbaycanlıdır ki, ştat rəsmiləri arasında böyük nüfuz sahibidir…

ABŞ-ın Men ştatında yaşayan bakılı balası


…Ömür-gün yoldaşı Zemfira xanım Əhmədova BDU-nun coğrafiya fakultəsini bitirib. Hazırda sığorta şirkətlərindən birində çalışır. İki övladı var- bir oğlan, bir qız. Oğlu Rüstəm 15, qızı Cəmilə 13 yaşındadılar…

On altı ildir ki, Amerikadadır. Ötən bu müddətdə çox adamlara əl tutub, aralarında azərbaycanlılar da az olmayıb. Soydaşlarımızın Men ştatında məskunlaşmasında, iş, yaşayış yeri tapmasında danılmaz xidmətləri var. Azərbaycandan gələn tələbələrə ata qayğısı göstərib, maddi-mənəvi dəstək olub…

Səyahəti xoşlayır. Demək olar ki, qərbi və şərqi Avropanın bütün ölkələrini gəzib. Avstraliyada, Yeni Zelandiya, İsrail, Ərəb Əmirliyi, Oman onun səyahət etdiyi ölkələr sırasındadır. Bir qaydası var, getdiyi ölkələrdə hökmən muzeyləri ziyarət edir…

Muğamın, xalq mahnılarımızın vurğunu olan bu mehriban, işgüzar eloğlumuzdan ayrılarkən- bəs xalqımıza arzunuz nədir- deyə, soruşdum. O isə cavabında:- "Bu gün ilaxır çərşənbədir, qarşıdan Novruz bayramı gəlir. Harada yaşamasından asılı olmayaraq, bütün soydaşlarımızı bu gözəl bayram münasibəti ilə təbrik edir, hər birinə möhkəm can sağlığı, firəvan həyat arzulayıram"…

Elman Eldaroğlu,
ABŞ, Miçiqan





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
BDYPİ və Bakı Beynəlxalq Avtovağzal Kompleksi birgə maarifləndirici tədbir keçirib

BDYPİ və Bakı Beynəlxalq Avtovağzal Kompleksi birgə maarifləndirici tədbir keçirib

Övladlığa götürülmə ilə bağlı yeni tələblər

Övladlığa götürülmə ilə bağlı yeni tələblər

İstixana şəraitində zərərvericilərə qarşı bioloji mübarizə tətbiz edilib-

İstixana şəraitində zərərvericilərə qarşı bioloji mübarizə tətbiz edilib- Azərbaycanda ilk

Qənirə Paşayeva BDU-da

Qənirə Paşayeva BDU-da "Kəpənək effekti" layihəsi çərçivəsində geniş çıxış edib və gənclərə çağırış edib

Binəqədinin yol dərdi...

Binəqədinin yol dərdi...

Rəsmi Bakıdan Ermənistan XİN-in açıqlamasına reaksiya

Rəsmi Bakıdan Ermənistan XİN-in açıqlamasına reaksiya

Əlilliklə bağlı göndərişləri Dövlət Agentliyi rəsmiləşdirəcək

Əlilliklə bağlı göndərişləri Dövlət Agentliyi rəsmiləşdirəcək

Bacı 25 ildir qardaşını zəncirdə saxlayır?-

Bacı 25 ildir qardaşını zəncirdə saxlayır?- Yeni təfərrüatlar

Ruhi dispanserə yerləşdirilən Britni Spirsin son görüntüləri-

Ruhi dispanserə yerləşdirilən Britni Spirsin son görüntüləri- FOTOLAR

Finlandiya Meteorologiya İnstitutunun mütəxəssisləri MHD-də treninq keçirib

Finlandiya Meteorologiya İnstitutunun mütəxəssisləri MHD-də treninq keçirib

23 yaşlı qızın intiharının dəhşətli təfərrüatı:

23 yaşlı qızın intiharının dəhşətli təfərrüatı: Atası çatsa da, saxlaya bilməyib-VİDEO

Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb

Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur