Mələk Siyaranın əziz xatirəsinə - Fəxrəddin Nağıyev yazır

Xəbərin çap versiyası
Tarix: 19-06-2019, 16:25    |    Xəbər oxunub: 573 dəfə
Mələk Siyaranın əziz xatirəsinə -


İllər əvvəl mərhum dostum Hacı İsa ilə Təbrizdə olarkən oralarda tanınmış bir din xadiminin qonağı olduq. Evinin girişində divar boyu iki gəncin portreti asılmışdı. Ev sahibi şəkilə yaxınlaşaraq uca səslə “Fatihə” oxuduqdan sonra “Oğlanlarımdır, ərəblə davada şəhid oldular” – dedi. Hər ikimiz “Allah rəhmət eləsin, Allah bağışlasın” dedikdə ev sahibi nəzərlərini kiçik oğlunun təsvirinə yönəldərək, “15 yaşındaydı, heç günah eləmədi” – dedi. Bir neçə gün əvvəl qardaşımın mələk simalı 3 yaşlı körpə nəvəsi Siyara sanki yaşayaraq hamı kimi günaha batmaqdan qorxub bu çirkli dünyanı əbədi tərk etdi.



Bütün körpələr günahsızdır, doğularkan saf, məsum olurlar. Amma onların məsumluğu bu çirkli dünyanı xilas edə bilmir.
Böyüklər uşaqların itkisi ilə heç cür barışa bilmirlər. Görünür, uşaq ölümündə böyükləri sarsıdan onların bu işdə özlərini təqsirli bilməsidir. Böyüklər özlərinin çoxdan itirdikləri, bir çoxlarının hətta xatırlamadıqları öz saflıqlarını, məsumluqlarını öz körpələrində - övladlarında, nəvələrində görür, onları itirdikdə mücərrəd övlad itkisindən daha çox konkret saflıq itkisinə ağlayırlar.
Bizim balaca Siyaramız da beləcə saf, məsum idi, bu günahla dolu dünyanı məsum olaraq tərk etdi. Dünya onu çirkləndirə, öz gününə sala bilmədiyi üçün ağlayır. Bu saflığın fonunda öz çirkliliyinin görünə biləcəyindən ehtiyat edənlər də ağlayır. Amma gerçəklik odur ki, bir anın içində mələyə dönmüş balaca Siyaranın ruhu aramızdadır. O, kimsəni qınamayacaq, niyə, nə üçün kimi suallar verməyəcək. Sadəcə onu tanıyanların, özünə doğma bilənlərin xatirində daim yaşayacaq, onları növbəti səhvlərdən çəkindirməyə çalışacaq.
Ernest Heminquey “Çayın o tayında, ağac kölgəsində” adlı əsərində belə deyir: Sevgi sevgidir, sevinc sevincdir. Amma qızıl balıq öləndə hər şey donur. Bu gün bizim qızıl balığımızın – bu dünyada cəmi üç il yaşamış Siyaramızın da həyatı dondu. Ona aid hər şey donaraq dayandı. Artıq sevimli multfilmlərə baxılmayacaq, sevimli oyuncaqlara əl vurmayacaq. Məzarının üstünə qoyulmuş uşaq ayaqqabılarını ayaqyalın bir körpəyə hədiyyə etsələr necə də gözəl olardı. Gəlinciklərini bir atılmış uşağa versəydilər o uşağın bir anda yaşadığı xoşbəxtlik Siyaramızı da həmin anda yaşadardı. Körpə mələyimizi xoşbəxt edən əşyaları – paltarlarını, gəlinciklərini, ayaqqabılarını tanıdığınız və tanımadığınız uşaqlara, ehtiyacı olanlara paylayın, onları sevindirin, xoşbəxt edin, o zaman bu sevincdən Siyaraya da pay düşəcək. Bir də baş vermiş hadisədən nəticə çıxarın, iddialarınızı, incikliklərinizi unudun, Muradı tək qoymayın, sındırmayın...

Mələk Siyaranın əziz xatirəsinə -

Fəxrəddin Nağıyev




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Xarici siyasətimizin növbəti böyük uğuru

Xarici siyasətimizin növbəti böyük uğuru

Vüqar Keramovdan möhtəşəm qələbə -

Vüqar Keramovdan möhtəşəm qələbə - FOTOLAR

“Gözəl qalmalıyam ki, məni öpən zövq alsın” –

“Gözəl qalmalıyam ki, məni öpən zövq alsın” – Elza Seyidcahan

“Rövşən Məmmədovun halına acıyıram” -

“Rövşən Məmmədovun halına acıyıram” - BABA VƏZİROĞLU

Gənc yazar İkinci Mahmud vəfat edib

Gənc yazar İkinci Mahmud vəfat edib

Gömrük Komitəsində daha bir rüşvət faktı:

Gömrük Komitəsində daha bir rüşvət faktı: polkovnik işdən qovuldu

Yeni nazirdən gözləntilər:

Yeni nazirdən gözləntilər: Müşfiq Rəhimovu da yola salacaq?

Azərbaycanda hərbi hissədə partlayış:

Azərbaycanda hərbi hissədə partlayış: 2 əsgər həlak oldu

Şeyxin 6-cı arvadının qaçmasının əsl səbəbi üzə çıxdı -

Şeyxin 6-cı arvadının qaçmasının əsl səbəbi üzə çıxdı - VİDEO

Xərçəngə qarşı yeni müalicə üsulu

Xərçəngə qarşı yeni müalicə üsulu

Daxili İşlər nazirinin yeni birinci müavini kimdir?

Daxili İşlər nazirinin yeni birinci müavini kimdir?

“Lotu Quli”nin adamları saxlanıldı

“Lotu Quli”nin adamları saxlanıldı

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur