Gürcüstanda ötən sutkada koronavirusdan 42 nəfər vəfat edib
Gürcüstanda son sutkada daha 4 321 nəfərdə koronavirus infeksiyası aşkarlanıb, 4 301 nəfər sağalaraq evə buraxılıb, 42 pasiyent isə vəfat edib.
“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.
Hazırkı dövrədək qonşu ölkədə COVID-19-a 162 475 yoluxma faktı qeydə alınıb. Yoluxanların 133 511-i sağalıb, 1 504-ü isə dünyasını dəyişib.
Karantin zonalarında 1 282, stasionar nəzarətdə isə 6 897 nəfər saxlanılır.
