"Azərsu"dan Bakıdakı yanğınla bağlı açıqlama
"Trump Tover"də baş verən yangın zamanı "Azərsu" ASC ərazini fasiləsiz su ilə təmin edib.
AFN xəbər verir ki, bu barədə "Azərsu" ASC-nin mətbuat xidmətinin rəhbəri Anar Cəbrayıllı bildirib. Onun sözlərinı görə, "Tramp Tover"in yerləşdiyi ərazi 24 saat fasiləsiz su alan ərazidir və bu gün də belə olub: "Həmin ərazidə Azərsu ASC-nin xətlərində normal təzyiqlə (3 atmosferdən artıq) su verilib. Yanğın zamanı Nəsimi Su Kanal İdarəsinin rəhbərliyi hadisə yerində və yanğınla əlaqədar yaradılmış qərargahda olublar. Amma onlara su olmaması ilə bağlı heç nə deyilməyib. Bildirirmək istəyirəm ki, hətta "Tramp Tover"in işçilərinə icazə verilib ki, smart kartlarında su qurtarsa belə xətti birbaşa şəbəkəyə qoşub anbarlarını su ilə doldursunlar ki, yanğının qarşısı maksimum tez alınsın. Yangın başlayan vaxtı "Tramp Tover"in ehtiyat anbarında kifayət qədər su olub, eyni zamanda həmin ərazidə 3 yanğın hidrantı da var. Azərsu ASC-nin əməkdaşları bu dəqiqə də hadisə yerindədəirlər və onların verdiyi məlumata görə heç bir su qıtlığından söhbət gedə bilməz".
