“Qarabağ”dan darmadağın, “Neftçi” derbini qazandı
Günün mərkəzi qarşılaşması Gəncədə baş tutub. Turnir cədvəlində ikinci pillədə qərarlaşan “Zirə” səfərdə “Kəpəz”ə uduzub. Şahin Diniyevin komandası aktivinə 3 xalı 2 topla yazıb - 2:0. Nəticədə “Kəpəz” 45 xalla 3-cü pilləyə yüksəlib. “Zirə” isə xal itkisinə baxmayaraq, 50 xalla yenə də ikincidir.
Lider “Qarabağ” doğma meydanda autsayder “Rəvan”ı darmadağın edib - 5:1.
Digər qarşılaşmalarda “Qəbələ” səfərdə AZAL-a məğlub olub (2:1), “Sumqayıt” doğma meydanda “Xəzər Lənkəran”ı 2:1 hesabı ilə məğlub edib, “Neftçi” isə səfərdə “İnter”ə minimal hesabla qalib gəlib.
Turnir cədvəli:
1. “Qarabağ” - 69 xal (27 matç)
2. “Zirə” - 50 (27)
3. “Kəpəz” - 45 (27)
4. “İnter” - 44 (27)
5. “Qəbələ” - 41 (27)
6. AZAL – 36 (27)
7. “Neftçi” - 35 (27)
8. “Sumqayıt” - 28 (27)
9. “Xəzər-Lənkəran” - 14 (27)
10. “Rəvan” - 8 (27)
