"Neftçi"nin sabiq futbolçusu "Levski"yə qayıdıb
"Report"un "Meridian Matç"a istinadən verdiyi məlumata görə, 30 yaşlı hücumçu sabah Sofiya təmsilçisinin düşərgəsinə qoşulacaq və rəsmi müqaviləyə imza atacaq.
Beləliklə, o, keçmiş komandasına qayıdacaq. Anyete 2015-ci ildə "Neftçi"yə məhz "Levski"dən transfer olunub. Futbolçunun Bakı klubu ilə müqavilə müddəti başa çatdığından, Bolqarıstana azad agent kimi yollanıb.
Qeyd edək ki, Anyete ötən yay transfer olunduğu "Neftçi"də mövsüm ərzində 20 oyuna 3 qol vurub.
