Qalatasaraydan daha bir transfer
Qalatasaray uzun zamandan bəri axtardığı sağ cinah müdafiəçisi problemini həll etmək üzrədi.
AFN Türkiyə mətbuatına istinadən xəbər verir ki, sarı-qırmızılılar İspanyanın Sevilya klubunda forma geyinən braziliyalı müdafiəçi Mariano Fereirayla razılığa gəlib. 31 yaşlı futbolçu ilə danışıqlar müsbət nəticə verib və Qalatasaray bu transferin baş tutacağı təqdirdə İspan klubuna 4 milyon avro verməyə hazır olduğu bildirilib. İki klub arasında bazarlığın sona çatmaq üzrə olduğu, qısa zamanda rəsmi məlumatın yayılacağı xəbəri verilib.
Seviliya ilə keçən sezon 43 rəsmi oyuna çıxan Fereira 4 qol ötürməsinin müəllifidi.
www.ntvspor.net
