Azərbaycanlı idmançı Almaniyada döyüşə çıxacaq
Azərbaycan Kikboksinq Federasiyasının üzvü, beynəlxalq yarışların qalibi, tanınmış peşəkar kikboksçu, Xəyal Əhmədov 2017-ci il 7 oktyabr tarixində Almaniyanın Bochum şəhərində döyüşə çıxacaq.
Döyüşlə bağlı AFN-ə məlumat verən idmançı hazırda Türkiyədə məşqlərini davam etdirdiyini bildirib:
"Rəqibim Kevin Keidtke adında idmançıdır. Hal-hazırda Türkiyədə məşqlərimi etdirirəm. Döyüşə ciddi hazırlaşıram. İnanıram ki, qələbə qazanıb, üç rəngli bayrağımızı ucaldacam. Bir idmançı kimi bundan qürurlu heç nə ola bilməz".
