Qurban Qurbanov: "Rəqibin heç bir fikri və düşüncəsi bizi maraqlandırmır"

Xəbərin çap versiyası
Tarix: 6-11-2018, 19:10    |    Xəbər oxunub: 538 dəfə
Qurban Qurbanov:


Avropa Liqasının qrup mərhələsinin IV turunun "Vorskla” ilə Ukraynadakı oyununa yollanan "Qarabağ”ın baş məşqçisi Qurban Qurbanov səfərdən öncə jurnalistlərin suallarını cavablandırıb.

Brifinqdə 46 yaşlı mütəxəssis öncə komandanın durumu barədə danışıb.

- Komandanın ümumi vəziyyəti pis deyil. "Sumqayıt"la oyundan sonra futbolçulara iki gün tam istirahət verdik. Onların çoxdan buna ehtiyacları var idi. İki gün ərzində əsas üstünlüyü istirahətə verdik. Amma bu gün məşqimiz oldu. Çalışdıq ki, çox nüanslara toxunaq. Daha çox nələrə hazır olmalıyıq. Belə bir məşqimiz oldu. Amma ümidimiz böyükdür. Bu gün də şahidi oldum ki, futbolçular həddindən artıq istəklidirlər. Bakıda məğlub olduğumuz görüşdən sonra mətbuat konfransında qeyd eləmişdim ki, hamımız üzgünük. Amma xeyli vaxt keçdi. Bu gün hiss edirəm ki, oyunçular daha yaxşı hazırlıqlıdırlar. Ukraynaya ümidlə gedirik. Düşünürəm ki, futbolçular gözəl oyun və yaxşı nəticə üçün maksimum çalışacaqlar.

- Bakıda şanssız şəkildə məğlub oldunuz. Rəqib ancaq müdafiə olunurdu. Sizin fikrinizcə Ukraynada rəqib necə oynayacaq. "Vorskla" hücum futbolu sərgiləsə "Qarabağ" buna hazırdırmı?

- Rəqibin oyun prinsipi əks hücumlardan oynamaqdır. Bunu çox düzgün yerinə yetirirlər. Biz ilk növbədə buna hazırlıqlı olmalıyıq. Amma onların çempionatdakı ev oyunlarını da izləmişik. Oyunun əvvəllərində pressinq etməyi xoşlayırlar. Daha çox meydanın rəqibə aid olan hissəsində oynamaq istəyirlər. Bütün bunlara hazır olacağıq. Amma biz rəqibi müdafiədən oynamağa məcbur etsək, düşünürəm ki, həmin an oyunu müdafiədən quracaqlar. Bizə daha yaxşı nəticə lazımdır. Biz görüşdə daha çox hücum eləyən tərəf olmalıyıq.

- Komandadakı itkilər barədə nə deyə bilərsiniz?

- Komandanın heyətində ciddi problem yoxdur. Sadəcə Ansi Aqolli kollektivlə tam məşqlər etməyib. O, bu gün isinmə hərəkətlərində komanda ilə birgə idi.

- İtirəcəyi bir şeyi olmayan komanda adətən daha təhlükəli olur. "Qarabağ"ın itirəcəyi nəsə varmı?

- Biz oyunlarda çox xal itirdik. Hələ qarşıda itiriləsi çox şey var. Amma biz buna hazır olmalıyıq. Ola bilər ki, rəqib daha da istəkli olsun. Çünki onlar qələbə qazanacağı təqdirdə 6 xalları olacaq. Ola bilər ki, "Sportinq"lə xalları bərabər olsun. Amma biz yenə də bu matçı düşünürük. Rəqibin heç bir fikri və düşüncəsi bizi maraqlandırmır. Sadəcə biz daha da yaxşı oynayıb, yaxşı nəticə əldə etmək üçün səfərə yollanırıq.

- "Qarabağ" ikili oyunların ikincisində daha yaxşı nəticə göstərir. Buna görə səfərdəki matçda xal və xallar qazanmağa ümid etmək olarmı?

- Ukrayna futbolu fərqlidir. Bu komandalar müdafiə olunmaqdan yorulmurlar. Nəticəyə oynamağı bacarırlar. Bizim üçün asan olmayacaq. Mən özüm də dəfələrlə qeyd etmişəm ki, ikinci oyunda rəqibi daha yaxşı tanıyırıq. Canlı görürük. Ola bilər ki, bu amil bizə kömək etsin. Amma nəzərə almalıyıq ki, səfərdə oynayırıq və burada azarkeş amili də var. Biz rəqibimizi səhvlərə məcbur etməliyik ki, bu səhvlərdən istifadə eləyək.(Report)




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
“Nar” 4G şəbəkəsini genişləndirməkdə davam edir

“Nar” 4G şəbəkəsini genişləndirməkdə davam edir

Dövlət Miqrasiya Xidmətində reinteqrasiya üzrə işçi qrupunun dördüncü iclası keçirilib

Dövlət Miqrasiya Xidmətində reinteqrasiya üzrə işçi qrupunun dördüncü iclası keçirilib

“Son iclas” bədii-sənədli filmi Antalyada təqdim olundu-

“Son iclas” bədii-sənədli filmi Antalyada təqdim olundu- VİDEO+FOTOLAR

Məktəb direktoru ilə tanınmış aktyor arasında insident-

Məktəb direktoru ilə tanınmış aktyor arasında insident- Təfərrüat+FOTOLAR

DOST konsepsiyasının, “e-sosial” internet portalının, ƏƏSMN-in yeni loqosunun və rəsmi internet səhifəsinin təqdimatı keçirilib

DOST konsepsiyasının, “e-sosial” internet portalının, ƏƏSMN-in yeni loqosunun və rəsmi internet səhifəsinin təqdimatı keçirilib

Müəllimdən məktəb direktoruna qarşı inanılmaz iddia

Müəllimdən məktəb direktoruna qarşı inanılmaz iddia

Nazir müavini:

Nazir müavini: "Partlayış baş verən binanın sakinləri üçün yeni bina tikiləcək"

20 noyabr hərracı:

20 noyabr hərracı: 9 elektron sifariş verildi, 5 dövlət əmlakı rəqabət yaratdı

"Nissan"ın rəhbəri həbs edildi

Azərbaycanda terrora cəhd edən erməni diversant məhkəmə qarşısında-

Azərbaycanda terrora cəhd edən erməni diversant məhkəmə qarşısında- VİDEO+FOTOLAR

Metroda soyğunçuluq və oğurluq edən şəxslər saxlanılıblar

Metroda soyğunçuluq və oğurluq edən şəxslər saxlanılıblar

Tanınmış azərbaycanlı müğənni vəfat etdi

Tanınmış azərbaycanlı müğənni vəfat etdi

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur