Orenburqun azərbaycanlı idmançısı- FOTOLAR

Xəbərin çap versiyası
Tarix: 20-03-2019, 12:11    |    Xəbər oxunub: 633 dəfə
Orenburqun azərbaycanlı idmançısı-


Xarici ölkələrdə xalqımıza başucalığı gətirən qeyrətli oğullar az deyil. Onların hər biri hörmətə, ehtirama layiqdir. Bu gün sizə onlardan biri, 25 yaşlı Qabil Məmmədovdan söhbət açmaq istəyirəm. O, 1994-cü ildə Rusiyanın Orenburq şəhərində dünyaya gəlib. 2011-ci ildə orta məktəbi bitirərək Orenburq Dövlət Universitetinə qəbul olunub. 2016-cı ildə oranı mühəndis kimi başa vurub. 2016-2018-ci illərdə həmin universitetin magistraturasında oxuyaraq biznesin idarə olunması ixtisasına yiyələnib(MBA). Hazırda aspiranturaya hazırlaşır…



…Atası Habil Məmmədov Orenburqda polis işləyirmiş. 2000-ci ildə məzuniyyət götürərək ata-baba yurdu Naftalana gedir ki, 6 yaşlı oğlu Qabilə kiçik toy eləsin. Dəvətnamə paylanılır, hazırlıq görülür, çadır qurulur, toya bir gün qalanda Habil insult keçirərək dünyasını dəyişir. O vaxtdan Qabil və bacısı Əskinaz atasız, anası Könül xanımın himayəsində böyüyürlər…

10 yaşından idmanın boks növü ilə məşğul olur. İlk uğuru 2009-cu ildə 14-15 yaşlılar arasında keçirilən Rusiya boks çempionatında gümüş medalı qazanmaqla əldə edir. Sonradan 2011-ci ildə Rusiya çempionu olur. Həmin il Avropa çempionatında ikinci yerə çıxır. Beləliklə illər keçdikcə bir sıra nailiyyətlərə imza atır. Rusiya boks çempionatlarında, müəyyən yaş kateqoriyaları üzrə dəfələrlə II, III yerlərə qalxır. İki dəfə Rusiya çempionu adına layiq görülür. Hazırda Soçi şəhərində Almaniyada keçiriləcək boks turnirinə hazırlıq məşqlərində iştirak edir…

Orenburq şəhərindən idman üzrə son 42 ildə heç kim onun qazandığı uğurlara nail ola bilməyib. Ona görə də Qabilin şəkilini böyüdərək şəhərin müxtəlif yerlərində nümayiş etdirirlər. Sizə zarafat gəlməsin, azərbaycanlı balasının şəkilləri görün nə qədər düşmənimizin gözünə ox kimi batır…

Qeyrətli oğuldur, deyir ki,- "Atam vəfat edəndən sonra, anam uşaq bağçasında, çörək sexində işləyərək bizi böyüdüb. Bilirəm ki, çox əziyyətlər çəkib. Əlim çörəyə çatan kimi onu işdən çıxartdım, qoymadım işə getsin. Sevinirəm ki, evi dolandıra bilirəm. Bir bacım var, o da azərbaycanlı ilə ailə qurub, Orenburqda yaşayırlar"…

Azərbaycanı canından əziz bilir. Rusiyada doğulub böyüsə də azərbaycan dilində təmiz danışır, milli kimliyini itirməyib. Vaxt tapan kimi ata-baba yurduna, doğmalarını ziyarət etməyə gedir…

Danışdıqca bu güclü, amma mehriban, təvazökar gəncin davranışını diqqətlə müşahidə edirdim. Sevinirdim ki, xalqımın belə qeyrətli gəncləri var və idmanla yanaşı təhsildə də uğur qazanmağı bacarırlar. İdman bədəndə sağlam ruh deməkdirsə, təhsil zəkada, idrakda sağlam düşüncə deməkdir.
Bəli, gəncliyi hər tərəfli sağlam olan xalqın gələcəyi parlaq olur…

Elman Eldaroğlu,
ABŞ, Miçiqan


Orenburqun azərbaycanlı idmançısı-
Orenburqun azərbaycanlı idmançısı-
Orenburqun azərbaycanlı idmançısı-
Orenburqun azərbaycanlı idmançısı-
Orenburqun azərbaycanlı idmançısı-
Orenburqun azərbaycanlı idmançısı-





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Dollar kreditləri ilə bağlı daha bir problem -

Dollar kreditləri ilə bağlı daha bir problem - Ekspert MBNP-ni ifşa etdi

"Rabitəbank"ın riskli gələcəyi:

İlham Əliyevdən Milli Mətbuat Günü paylaşımı-

İlham Əliyevdən Milli Mətbuat Günü paylaşımı-

DGK-nın bəzi gömrük ödənişləri “ASAN ödəniş” sistemində

DGK-nın bəzi gömrük ödənişləri “ASAN ödəniş” sistemində

“Hakimiyyət ciddi dəyişikliklərdən çəkinir…” -

“Hakimiyyət ciddi dəyişikliklərdən çəkinir…” - “KİVDF ləğv olunmalıdır”

Əli Həsənovun xanımının məhkəməyə gəlməsi tələb olunur

Əli Həsənovun xanımının məhkəməyə gəlməsi tələb olunur

Yol polisi deputatı özündən çıxardı:

Yol polisi deputatı özündən çıxardı: “Mənim toxunulmazlıq hüququm var”

Milli Mətbuat günündə Azercell-dən 1875 dəqiqə hədiyyə!

Milli Mətbuat günündə Azercell-dən 1875 dəqiqə hədiyyə!

Azərbaycan milli mətbuatının yaranmasından 144 il ötür

Azərbaycan milli mətbuatının yaranmasından 144 il ötür

230-dan çox insan Azercell-in ödənişsiz göz müayinələrindən yararlanıb

230-dan çox insan Azercell-in ödənişsiz göz müayinələrindən yararlanıb

Özünü güllələyən polisin ölümü ilə bağlı cinayət işi başlandı

Özünü güllələyən polisin ölümü ilə bağlı cinayət işi başlandı

ƏMDK mobil qeydiyyat kampaniyasını davam etdirir:

ƏMDK mobil qeydiyyat kampaniyasını davam etdirir: 4 minə yaxın mənzillərin çıxarışı hazırdır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur