2015-ci ildə “Azəri-Çıraq-Günəşli” yataqlar blokunda 9 yeni neft hasilat quyusu qazılıb
“APA-Economics”in məlumatına görə, bunu “Respublika” qəzetində dərc olunan məqaləsində Azərbaycanın energetika naziri Natiq Əliyev bildirib.
Onun sözlərinə görə, 2014-cü ilin dekabrında Xəzər dənizinin Azərbaycan sektorunda Abşeron yarımadasının ətrafındakı dayazsulu sahədə yerləşən strukturlarda birgə geoloji
kəşfiyyat işləri başlayıb, “Şəfəq-Asiman” dəniz bloku üzrə seysmik məlumatların interpretasiyası başa çatdırılıb: “Həmçinin, gələcək kəşfiyyat işlərinin mümkünlüyünün müəyyənləşdirilməsi, geoloji və geofiziki tədqiqatların aparılması məqsədilə SOCAR və Almaniyanın “RWE Dea” şirkəti Xəzərdə, Abşeron yarımadasının cənub hissəsinin akvatoriyasında karbohidrogenlərin mövcudluğunun birgə araşdırılması üzrə Saziş imzalayıblar”.
