Kredit borcları ilə bağlı güzəştlər edilə bilər
Milli Məclisin İqtisadi siyasət komitəsinin üzvü Vahid Əhmədov 365.az-a açıqlamasında bildirib ki, kredit borclarının silinməsi mümkünsüzdür. Deputat kredit borclarına dair güzəştlərin tətbiq ediləcəyini ehtimal edir:
"Kredit borclarının ləğvindən söhbət gedə bilməz. Çünki məbləğ kifayət qədər böyükdür. İndiki maliyyə vəziyyətində kredit borclarının dövlət tərəfindən ödənilməsi dövlət üçün əlavə xərcdir. Biz bir neçə ay öncə həmkarım Əli Məsimli ilə birlikdə hökumətə kredit borcları ilə bağlı təkliflər irəli sürmüşdük. Amma hələ cavab yoxdur. Ola bilər ki, prezident kredit borcları ilə bağlı güzəştlərin edilməsinə dair göstəriş versin".