TANAP-ın tikintisi 2018-ci ildə başa çatacaq
Bu barədə İstanbulda keçirilən 23-cü Dünya Enerji Konqresindəki çıxışında TANAP-ın baş direktoru Saltuk Düzyol məlumat verib. O qeyd edib ki, layihə üzrə işlər qrafikə uyğun davam edir.
Qeyd edək ki, Xəzərin Azərbaycan sektorundakı “Şahdəniz-2” yatağından çıxarılan qazı Türkiyəyə və bu ölkədən Avropaya nəql edəcək TANAP “Cənub Qaz Dəhlizi”nin tərkib hissəsi olan layihədir. TANAP Türkiyə-Gürcüstan sərhədində Cənubi Qafqaz Boru Kəmərinə, Türkiyə-Yunanıstan sərhədində isə TAP boru kəmərinə birləşəcək.
