“Türk iş adamları vergidən yayınmağa çalışır”- Aydın Əliyev
“Bu gün Azərbaycana investiya axını çox böyükdür. 23 il əvvəl əgər ölkəmizə neft hasilatı ilə bağlı investiya yatırılırdısa bu gün qeyri-neft sektoruna investiya yatırılır”.
AzVision.az xəbər verir ki, bunu Dövlət Gömrük Komitəsinin sədri Aydın Əliyev deyib. Onun sözlərinə görə, Azərbaycanda istehsal olunan mallar və məhsullar MDB ölkələrinə gömrük rüsumu olmadan idxal olunur.
“Biz Türkiyə iş adamlarının da bu sahədə aktiv olmasını istəyirik. Təəssüflər olsun ki, Türkiyə mallarının idxalı zamanı biz bir sıra problemlərlə qarşılaşırıq. Bir sıra hallarda bəzi türk iş adamları vergi ödəməkdən yayınmaq üçün ikili invoysa əl atırlar. Bununla da türk iş adamları Azərbaycanda vergidən yayınmağa çalışırlar. Azərbaycanda idxal-ixrac prosedurları üçün hər cür şərait yaradılıb. Mən sizi tanıdığız iş adamlarına düzgün şəkildə işləməyi deməyinizi çağırıram”.
