Növbəti özəlləşmə hərracı yeni ünvanda-Əmlak Xidmətləri Məkanında keçiriləcək

Xəbərin çap versiyası
Tarix: 14-01-2019, 16:32    |    Xəbər oxunub: 568 dəfə
Növbəti özəlləşmə hərracı yeni ünvanda-Əmlak Xidmətləri Məkanında keçiriləcək


Əmlak Məsələləri Dövlət Komitəsi tərəfindən dövlət əmlaklarının özəlləşdirilməsində müasir üsulların tətbiqi investorların prosesə qoşulmasını sadələşdirir.

Komitədən AFN-ə verilən məlumata görə, təşkil edilən hərracların artıq yeni ünvanda - Əmlak Xidmətləri Məkanında (Bakı şəh., Nizami ray., X.R.Ulutürk küç., 20) keçirilməsi iştirakçı məmnuniyyətinə və rahatlığına yönəlib. Açıq və şəffaf prosesdə həm canlı, həm də onlayn formada iştirak prosesi üçün 100 nəfərlik zal müasir avadanlıqlarla təmin edilib. Belə ki, hərrac zalında quraşdırılan monitorlar vasitəsilə özəlləşməyə çıxarılan əmlaklar barədə məlumatlarla tanış olmaq, eləcə də virtual hərrac prosesini izləmək mümkündür.

Komitənin yeni ünvanda təşkil etdiyi ilk hərrac 12 fevral tarixində keçiriləcək. Bu hərraca ümumilikdə 125 dövlət əmlakı çıxarılıb. Onlardan 72-si kiçik dövlət müəssisə və obyekti, 24-ü qeyri-yaşayış sahəsi, 17-si səhmdar cəmiyyəti, 12-si isə nəqliyyat vasitəsidir. Hərraca çıxarılan kiçik dövlət müəssisə və obyektlərinin ümumi faydalı sahəsi 4 kv.m ilə 2634 kv.m arasındadır. Mehmanxana, sanatoriya, mağaza, restoran və digər sahələrə aid olan dövlət obyektlərinin çoxu torpaq sahəsi ilə birgə özəlləşməyə çıxarılıb. Gəncədə yerləşən yeməkxananın ümumi faydalı sahəsi 536,7 kv.m-dir. Totanlı küçəsindəki bu dövlət əmlakı 7323 kv.m-lik torpaq sahəsi ilə birgə özəlləşdirməyə çıxarılıb. İnvestor 7 min 500 manat beh ödəyərək xidmət sahəsində gəlirli fəaliyyətə imkan verən obyektin sifarişçisinə çevrilə bilər.

Sərmayəçilərə maraqlı ola biləcək qeyri-yaşayış sahələrinin isə ümumi faydalı sahəsi 12,5 kv.m ilə 267,6 kv.m intervalındadır. Dövlət əmlaklarından 13-ü paytaxtda, 6-sı Sumqayıtda, digərləri isə Gəncə, Tərtər, Daşkəsən və Sabirabadda yerləşir. Biznes fəaliyyətinə başlamaq istəyənlər bu kateqoriyadan olan dövlət əmlaklarını ofis və xidmət obyekti kimi istifadə edə bilər. Ən yüksək ümumi faydalı sahəsi olan qeyri-yaşayış sahəsi Sumqayıt şəhəri, 2-ci mikrorayon, Nəriman Nərimanov küçəsindədir.

Təmir-tikinti, sənaye, kəndkimya, nəqliyyat, məişət və digər sahələr üzrə səhmdar cəmiyyətlərinin səhm paketləri də budəfəki hərraca çıxarılıb. Bu dövlət əmlaklarına “Bərdə Kəndkimya”, “Tərtər Nəqliyyat”, “Lənkəran Mebel ” kimi səhmdar cəmiyyətləri aiddir. Belə müəssisələr respublikanın müxtəlif regionlarında yerləşir. Hərraca çıxarılan səhm paketləri səhmdar cəmiyyətlərinin nizamnamə kapitalının 30-45%-ni təşkil edir.

Avtomobil almaq istəyənlərə geniş seçim imkanı təklif edən nəqliyyat vasitələri isə QAZ, Volkswagen, BMW, FIAT və digər markalara aiddir. Bu nəqliyyat vasitələrinin istehsal tarixləri 2005-2008-ci illərdir. Avtomobillər üçün təyin olunan ilkin hərrac qiymətləri 2 min manat ilə 5 min 200 manat arasındadır.

Dövlət əmlaklarının özəlləşdirilməsi üzrə hərrac prosesinə qoşulmaq üçün Özəlləşdirmə portalı (privatization.az) və komitənin rəsmi saytına (emdk.gov.az) daxil olmaq kifayətdir. İştirak etmək istəyənlər elektron formada qeydiyyatdan keçməklə ilkin hərrac qiymətinin 10%-i həcmində beh ödəyib sifarişçiyə çevrilə bilər. Əmlak Məsələləri Dövlət Komitəsi yerli və xarici investorları, sahibkarları, iş adamlarını və mülkiyyət sahibi olmaq istəyən hər bir kəsi özəlləşmədə fəal iştirak etməyə dəvət edir

Növbəti özəlləşmə hərracı yeni ünvanda-Əmlak Xidmətləri Məkanında keçiriləcək

Növbəti özəlləşmə hərracı yeni ünvanda-Əmlak Xidmətləri Məkanında keçiriləcək





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Braziliya Ciu-Citsu (No-gi) və Kombat Ciu-Citsu  üzrə açıq turnir keçirilib-

Braziliya Ciu-Citsu (No-gi) və Kombat Ciu-Citsu üzrə açıq turnir keçirilib- FOTOLAR

Sumqayıtın

Sumqayıtın "başsız" məktəbləri- SİYAHI

Mən kiməm?-

Mən kiməm?- Əziz Əlibəyli yazır...

“Ştutqart”da vətəndaşları belə aldadırlar-

“Ştutqart”da vətəndaşları belə aldadırlar- Zəmanət yox, geri qaytarma yox…

İsrailin baş naziri ABŞ-a səfərini yarıda saxlayıb

İsrailin baş naziri ABŞ-a səfərini yarıda saxlayıb

İlham Əliyev banqladeşli həmkarını təbrik edib

İlham Əliyev banqladeşli həmkarını təbrik edib

Tramp Türkmənistan qazının Azərbaycan vasitəsilə Avropaya nəqli barədə

Tramp Türkmənistan qazının Azərbaycan vasitəsilə Avropaya nəqli barədə

Qazaxıstanda neft yatağında yanğın baş verib

Qazaxıstanda neft yatağında yanğın baş verib

Dünya çempionumuzun qardaşı faciəvi şəkildə həlak oldu-

Dünya çempionumuzun qardaşı faciəvi şəkildə həlak oldu- VİDEO

10448 tənha ahıl və əlilliyi olan şəxs evlərində sosial xidmətlə təmin olunur

10448 tənha ahıl və əlilliyi olan şəxs evlərində sosial xidmətlə təmin olunur

Aprelin əvvəlindən müharibə veteranlarına Prezidentin aylıq təqaüdü təyin olunacaq

Aprelin əvvəlindən müharibə veteranlarına Prezidentin aylıq təqaüdü təyin olunacaq

Budapeştdə yaşayan azərbaycanlı cəmiyyət rəhbəri

Budapeştdə yaşayan azərbaycanlı cəmiyyət rəhbəri

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur