“Azərbaycan Tingçilər Assosiasiyası” İctimai Birliyi təsis olunub

Xəbərin çap versiyası
Tarix: 3-08-2019, 11:27    |    Xəbər oxunub: 538 dəfə
“Azərbaycan Tingçilər Assosiasiyası” İctimai Birliyi təsis olunub


Ölkədə tingçiliklə məşğul olan fiziki və hüquqi şəxslərin təşəbbüsü, Kənd Təsərrüfatı, eləcə də Ekologiya və Təbii Sərvətlər nazirliklərinin dəstəyi ilə “Azərbaycan Tingçilər Assosiasiyası” İctimai Birliyi təsis olunub.



Bununla bağlı Kənd Təsərrüfatı Nazirliyi yanında Aqrar Tədqiqatlar Mərkəzində hər iki nazirliyin nümayəndələrinin, tingçiliklə məşğul olan fermerlərin iştirakı ilə təsis yığıncağı keçirilib.

“Azərbaycan Tingçilər Assosiasiyası”nın əsas məqsədi tingçilikdə yeni texnologiyaların istifadəsi ilə bu sahənin inkişafına nail olmaq, tinglərə olan tələbatı yerli istehsal hesabına təmin etməkdir.

Tədbirdə çıxış edən Kənd Təsərrüfatı Nazirliyinin Fermerlər, Assosiasiyalar və Kooperativlərlə iş şöbəsinin müdiri Araz İsmayılov ölkədə aqrar sahənin inkişafı ilə bağlı görülən işlər barədə ətraflı məlumat verib. Araz İsmayılov qeyd edib ki, Azərbaycan Respublikasının Prezidenti cənab İlham Əliyev tərəfindən 2016-cı ildə təsdiqlənmiş “Kənd təsərrüfatı məhsullarının istehsalı və emalına dair Strateji Yol Xəritəsi”ndə kənd təsərrüfatının müxtəlif sahələri, o cümlədən tingçiliklə bağlı assosiasiyaların yaradılması qarşıya qoyulan əsas məqsədlərdəndir. Bildirib ki, son dövrlərdə ölkədə fermerlərə yaxın olmaq prinsipinə əsaslanaraq kənd təsərrüfatı sahəsində ixtisaslaşmış assosiasiyaların sayı sürətlə artır. Şöbə müdiri əlavə edib ki, Assosiasiyalar aqrar sahənin davamlı inkişafında mühüm rol oynaya və öz töhfələrini verə bilər. Azərbaycanın tingçiliklə bağlı qədim ənənəyə və təcrübəyə malik olduğunu deyən şöbə müdiri vurğulayıb ki, yeni yaradılan Assosiasiya bu sahənin daha da inkişaf etdirilməsinə öz töhfəsini verəcək: “Uzaq və yaxın keçmişə nəzər salanda məlum olur ki, qədim dövrdən Azərbaycanda tingçiliklə məşğul olublar və indi də bu sahədə fəaliyyət göstərənlər var. İnnovativ texnologiyaların tətbiqi ilə ölkədə tingçiliyi inkişaf etdirmək, Azərbaycana məxsus tinglərin qorunub saxlanılması və çoxaldılmasına nail olmaq əsas məqsədlərdəndir. Ümid edirəm ki, Assosiasiya öz fəaliyyətini elmi-tədqiqat nəticəsində əldə olunmuş tinglərin yayılması və daha çox istifadəsi istiqamətində quracaq, tingçiliklə məşğul olan gənc fermer nəslinin formalaşmasına şərait yaradacaq”.

Kənd Təsərrüfatı Nazirliyinin Meyvəçiliyin, üzümçülüyün təşkili və monitorinq şöbəsinin müdiri Tofiq Rzayev bildirib ki, ölkədə tingçiliyin inkişaf etdirilməsi üçün qarşıda mühüm vəzifələr qoyulub. Azərbaycanda bu sahənin inkişafı üçün davamlı dövlət dəstəyinin göstərildiyini deyən şöbə müdiri əlavə edib ki, Assosiasiya bu istiqamətdə öz töhfəsini verə bilər.

Daha sonra Ekologiya və Təbii Sərvətlər Nazirliyinin Meşələrin İnkişafı Departamentinin meşə tingliyi və toхumçuluğu sektorunun müdiri Rəhim İbrahimov çıxış edib. O qeyd edib ki, Assosiasiyanın fəaliyyəti ölkədə yeni tingçilik təsərrüfatlarının yaranmasına səbəb olacaq. Ekologiya və Təbii Sərvətlər Nazirliyinin rəsmisi hesab edir ki, yeni Assosiasiya tingçilikdə idxaldan asılılığın aradan qaldırılmasında da əhəmiyyətli rol oynayacaq.

Tədbirdə tingçiliklə məşğul olanlar çıxış edərək “Azərbaycan Tingçilər Assosiasiyası” İctimai Birliyinin işində fəal iştirak edəcəklərini bildirib, təkliflərini səsləndiriblər.

Sonra tədbir iştirakçılarının təklifi əsasında Assosiasiyanın təsis olunması məsələsi səsə qoyulub və yekdilliklə qəbul olunub. İclasda 7 üzvdən ibarət olmaqla İdarə Heyətinin tərkibi formalaşdırılıb. Zəfər Novruzov Assosiasiyanın İdarə Heyətinin sədri, Məhəmməd Bazarov isə İdarə Heyətinin sədrinin müavini seçilib.

Sonda Assosiasiyanın gələcək fəaliyyəti və tingçiliyin inkişafı ilə bağlı müzakirələr aparılıb.

“Azərbaycan Tingçilər Assosiasiyası” İctimai Birliyi təsis olunub
“Azərbaycan Tingçilər Assosiasiyası” İctimai Birliyi təsis olunub
“Azərbaycan Tingçilər Assosiasiyası” İctimai Birliyi təsis olunub
“Azərbaycan Tingçilər Assosiasiyası” İctimai Birliyi təsis olunub





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Binəqədidə “Amay Abdulla”ya qarşı aksiya keçirildi -

Binəqədidə “Amay Abdulla”ya qarşı aksiya keçirildi - VİDEO

Leyla Ramazanlı və Zaur Əmiraslanovdan yeni duet -

Leyla Ramazanlı və Zaur Əmiraslanovdan yeni duet - VİDEO+FOTOLAR

Lerikin məşhur istirahət mərkəzində otaqdan ilan çıxdı -

Lerikin məşhur istirahət mərkəzində otaqdan ilan çıxdı - FOTO

Göyçayda toy karvanında qəza:

Göyçayda toy karvanında qəza: 6 yaralı var

Vilayət Eyvazovdan yeni təyinatlar

Vilayət Eyvazovdan yeni təyinatlar

Jurnalist təyyarə qəzasında öldü

Jurnalist təyyarə qəzasında öldü

Etibar Pirverdiyevin şirkəti dar ayaqda -

Etibar Pirverdiyevin şirkəti dar ayaqda - "Bağda ərik qurtardı..."

Bakı polisindən xəbərdarlıq:

Bakı polisindən xəbərdarlıq: "Uşaq oğurluğu edən dilənçilər var"

Xəzərdə itkin düşən pilotumuzun görüntüləri yayıldı -

Xəzərdə itkin düşən pilotumuzun görüntüləri yayıldı - VİDEO

"ASAN Yay Festivalı" Gəncədə

Sentyabrın 1-dən kimlərin maaşı və pensiyası nə qədər artacaq? -

Sentyabrın 1-dən kimlərin maaşı və pensiyası nə qədər artacaq? - VİDEO

Vəkil sirrləri açdı:

Vəkil sirrləri açdı: MTN sabiq naziri necə tutub?

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur