Rusiyada 36 yaşlı azərbaycanlı qətlə yetirilib
Virtualaz.org saytı APA-ya istinadən xəbər verir ki, qətl hadisəsi yanvarın 23-də pivə barında baş verib.
İki müştəri arasında baş vermiş mübahisə qətl ilə nəticələnib.
Volqodonsk sakini, 1993-cü il təvəllüdlü şəxs 36 yaşlı azərbaycanlı tanışını bıçaqlayıb. Xəstəxanaya çatdırılan azərbaycanlının həyatını xilas etmək mümkün olmayıb.
Qətli törədən şəxs saxlanılıb. O, törətdiyi cinayəti etiraf edib.
Faktla bağlı cinayət işi qaldırılıb.