Fermalardan oğurluq edən şəxslər tutulub
Afn.az-ın xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Tovuz Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində martın 5-də rayon sakini Tahir Rəhimova məxsus fermadan 45 qoyun və 11 keçi oğurlayan Bakı şəhər sakini, əvvəllər məhkum olunmuş Səddam Şabiyev tutulub.
Daha bir analoji hadisə Salyanda qeydə alınıb. Belə ki, Neftçala Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində martın 8-də rayon sakini Məhəmməd Hüseynova məxsus fermadan 31 qoyun oğurlayan Salyan rayon sakini Ətrab Ələsli tutulub.
