Hacı Qalibin oğlunun cinayət işi məhkəməyə göndərilib
Sabiq deputat Hacı Qalib Salahzadənin oğlu Əlihüseyn Salahzadənin cinayət işi məhkəməyə göndərilib. Bu barədə virtualaz.org-a vəkil Cavanşir Məmmədov məlumat verib.
Vəkil bildirib ki, tərəflər işlə tanış olublar və iş baxılmaq üçün Nəsimi rayon Məhkəməsinə göndərilib. İş üzrə məhkəmə iclası yaxın günlərdə başlayacaq.
Qeyd edək ki, Ə.Salahzadə bir müddət əvvəl həbs edilib. Cinayət Məcəlləsinin 315.2-ci (hakimiyyət nümayəndəsinə qarşı müqavimət göstərmə və ya sağlamlığı üçün təhlükəli olan zor tətbiq etmə) maddəsi ilə təqsirləndirilən şəxs qismində cəlb olunmaqla onun barəsində Nəsimi rayon Məhkəməsinin qərarı ilə 3 ay müddətinə həbs qətimkan tədbiri seçilib.
Ə.Salahzadə “Azərsu” ASC-nin əməkdaşını döyməkdə təqsirli bilinir.
