Azərbaycanda təcavüz qalmaqalı: Hakimdən bəraət, prokuror şikayətçidir-Təfərrüat


Azərbaycanda təcavüz qalmaqalı:


Qazax rayonunda qadına təcavüz etməkdə təqsirli bilinən rayon sakini, 1994-cü il təvəllüdlü Habil Məmmədovun (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.



AFN publika.az-a istinadən xəbər verir ki, ittihama əsasən, Habil Məmmədov Qazax rayonunun mərkəzində tanışı Turanə Əliyevaya təcavüz edib.

Hadisənin 27 fevral 2015-ci il tarixdə baş verdiyi qeyd edilir. Habil Məmmədov həmin gün Turanənin fiziki cəhətdən köməksiz vəziyyətindən istifadə edib və onunla cinsi əlaqədə olmaq istəyib. Bu məqsədlə o, həmin vaxt Turanə ilə rayonun mərkəzində olan parkda görüşüb. Habil Həmin vaxt Turanə ilə sərbəst söhbət etmək üçün sahibsiz olan tikiliyə getməyi təklif edib.

Turanənin onunla razılaşdığı və sahibsiz yerə getdiyi bildirilir. İddiaya əsasən, orada Habil qıza intim münasibət təklif edib və daha sonra onunla cinsi əlaqədə olmaq istədiyini söyləyib. Turanə isə Habilin istəyi ilə razılaşmayıb. Bu zaman Habilin Turanəyə zorakılıq göstərdiyi, onunla zorla cinsi əlaqədə olmaq istəyini reallaşdırdığı qeyd edilir. Belə ki, o, Turanənin paltarını zorla əynindən çıxarıb və onunla cinsi əlaqədə olub.

Daha sonra isə Habilin Turanəni həmin gün saat 18.00-da idarə etdiyi “VAZ-2107” markalı avtomobili ilə Qazax rayonunun Ağköynək kəndinə gətirdiyi, orada maşını su kanalının kənarında saxladığı bildirilir. İddiaya görə, adı çəkilən qadınla qeyri-təbii yolla cinsi əlaqədə olmaq istəyib. Turanə bununla razılaşmayıb, nəticədə Habil ona zorkılıq göstərib və istəyini gerçəkləşdirib.

Turanə Əliyevanın hüquq-mühafizə orqanlarına şikayətindən sonra Habil Məmmədovun barəsində cinayət işi başlanıb.

İstintaq orqanı tərəfindən Habil Məmmədovun barəsində Cinayət Məcəlləsinin 150.1-ci (zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham elan edilib.

Təqsirləndirilən şəxs qismində ifadə verən Habil Məmmədov elan olunmuş ittiham üzrə özünü təqsirli bilməyib. O, qeyd edib ki, Turanə ilə bir müddət əvvəl sosial şəbəkədə tanış olub.

Habil Məmmədovun ifadəsinə görə, Turanə ilə sonradan sevgi münasibəti olub. Amma o, ifadəsində Turanəyə qarşı seksual xarakterli zorakılıq hərəkətləri göstərmədiyini deyib.

Qazax rayon Məhkəməsinin hökmü ilə Habil Məmmədovun əməli sübuta yetirilməyib. Məhkəmə onun barəsində bəraət hökmü çıxarıb.

Bu hökmdən narazı qalan prokuror apellyasiya protesti verib. Prokuror Habil Məmmədovun barəsində olan hökmün ləğv edilməsini, onun barəsində ittihamedici hökmün çıxarılmasını istəyib. Zərərçəkmiş Turanə Əliyeva da eyni tələblə apelyasiya şikayəti verib.

Hər iki tərəfin şikayətinə Gəncə Apelyasiya Məhkəməsində baxılıb. Apelyasiya protesti və şikayətini araşdıran hakim heyəti sonda qərar elan edib. Qərara görə, həm prokurorun protesti, həm də zərərçəkmişin şikayəti təmin olunmayıb.

Bu qərardan narazı qalan prokuror və zərərçəkmiş Ali Məhkəməyə müraciət edib. Ali Məhkəmənin hakimi Əziz Seyidovun sədrliyi ilə baş tutan prosesdə prokurorun kasasiya protesti, zərərçəkmişin kasasiya şikayəti araşdırılıb.

Hakim heyəti tərəflərin şikayətlərini təmin etməyib.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu