Bakıda baş verən silahlı atışmaya görə həbslər davam edir


Bakıda baş verən silahlı atışmaya görə həbslər davam edir


Bir neçə gün öncə Bakıda baş verən silahlı atışmaya görə daha iki nəfər saxlanılıb.



AFN xəbər verir ki, Qafqazinfo-nun verdiyi məlumata görə, biznesmen oğlu İsa Əzizovla "razborka”da iştirak edən kriminal aləmə yaxın şəxslər olan Elçin Sadıq və Yasin Əhmədov tutulub. Onlar hadisə yerindən qaçdıqları üçün bir neçə gündür axtarışda idilər.

Xatırladaq ki, "Ramal” Ticarət Mərkəzinin rəhbəri Nadir Əzizovun oğlu olan İsa Əzizov həmin "razborka”da qarşı tərəfə "Vinçester” markalı silahdan atəş açıb. Atəş hədəfə dəymədiyi üçün yaralanan olmayıb. Lakin İ.Əzizov onları saxlamaq üçün hadisə yerinə gələn polis əməkdaşlarına bıçaqla müqavimət göstərib. Bu işlə bağlı 3 maddə üzrə cinayət işi başlanılıb, İ.Əzizov da daxil olmaqla 10-a yaxın şəxs saxlanılıb.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu