Tanrı pıçıltısını şeirə çevirə bilən xanım...

Xəbərin çap versiyası
Tarix: 21-04-2019, 13:44    |    Xəbər oxunub: 620 dəfə
Tanrı pıçıltısını şeirə çevirə bilən xanım...


Əsl poeziya ruha sığal çəkən ilahi nəsnədir. Öz qüdrəti ilə insanı düşündürə, pərişan edə, şənləndirə və hətta mübarizəyə səsləyə də bilir. Bəli, gözəl şeir Tanrının pıçıltısıdır. Bu pıçıltını duymaq, onu hiss etmək zövqün necə olmasından çox asılıdır. Və bu pıçıltını yalnız Tanrının seçdiyi insanlar seirə çevirə bilir. Biz onlara şair deyirik. Kimin söylədiyini unutmuşam,- "Şairlər peyğəmbərlərdən sonra Allahın yer üzündəki elçiləridir"…

Sevindirici haldır ki, yaratdıqları poeziya nümunələri ilə oxucuların rəğbətini qazanan xanım şairlərimiz az deyil. Bu gün mən sizə onlardan biri- Aysel Xanlarqızı Səfərli haqqında söhbət açmaq istəyirəm.

Aysel xanım zəngin təbiəti olan Lənkəran şəhərində dünyaya gəlib. 1999-cu ildə orta təhsilini 2 saylı məktəbdə bitirib. Eyni zamanda yeddi il Lənkəran 1 saylı musiqi məktəbində fortepianodan dərs alıb. 1999-2003-cü illərdə Lənkəran Dövlət Universitetində ali təhsilə yiyələnib. Oranı həm filoloq, həm də tibb bacısı kimi başa vurub. Bir müddət orta məktəbdə müəllimlik edib. 2008-ci ildə ailəsi ilə İspaniyanın Kantabria vilayətinin Santander şəhərinə gedərək 2012-ci ilədək orada məktəblərdən birində işləyib. 2014-2017-ci illərdə isə "Yeni yaşam" psixoloji mərkəzə rəhbərlik edib. 2017-ci ildən "Medical House" tibb mərkəzində çalışır. Həm də "Müstəqil.az" saytının redaktorudur…

…Ömür-gün yoldaşı Səfa Rəşid ixtisasca tarixçidir. Bədii yaradıcılıqla da məşğul olur. Dövri mətbuatda tez-tez şeirləri ilə çıxış edir. İki övladı vardır. Qızı Aytel xanım 15, oğlu Yunis isə 12 yaşındadırlar…

Deyir ki,- "Ən böyük dərdim Qarabağla bağlıdır. O bölgədə heç zaman olmasam da Şuşanın, Ağdamın, eləcə də işğal altında olan digər rayonlarımızın əhalisinin yaşadığı ağrı-acını özümə doğma bilirəm"…

İndiyədək üç şeirlər kitabı işıq üzü görüb. Onların ikisi- "Bir dünya var", "Yoxluğunun cazibə qüvvəsi" Azərbaycanda, "Hardasan dostum?" isə İran İslam Respublikasının Təbriz şəhərində fars əlifbası ilə dərc olunub. Azərbaycan Yazıçılar Birliyi və İraq Türkmən Yazarlar Birliyinin üzvüdür…

…Asudə vaxtlarında pianoda musiqi ifa etməkdən zövq alır. Dünya yazarlarının bədii əsərlərini mütaliə etməyi xoşlayır. Ara-sıra idmanın qaçış növü ilə də məşğul olur. Bir sözlə, bu xanım gözəl poeziya nümunələri yarada bilən əsl şairdir. Şairlərin yaradıcılığına ən böyük dəyəri isə əlahəzrət Zaman verir. Zaman üzünüzə gülsun, Aysel Xanlarqızı Səfərli xanım!..

Elman Eldaroğlu,
ABŞ, Miçiqan


Tanrı pıçıltısını şeirə çevirə bilən xanım...





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Qənirə Paşayeva Qusarda sərhəd mühafizəçiləri ilə görüşüb -

Qənirə Paşayeva Qusarda sərhəd mühafizəçiləri ilə görüşüb - FOTOLAR

İqbal Məmmədovun Türkiyədə də şirkəti var-

İqbal Məmmədovun Türkiyədə də şirkəti var- həbs olunan qardaşı oğlunun adınadır

Azərbaycanın dövlət büdcəsinin kəsiri 667 milyon manatı ötüb

Azərbaycanın dövlət büdcəsinin kəsiri 667 milyon manatı ötüb

Prezident 1 fərman, 2 sərəncam imzaladı

Prezident 1 fərman, 2 sərəncam imzaladı

ASGA sədrinin Leyla Əliyevaya müraciəti öz nəticəsini verdi:

ASGA sədrinin Leyla Əliyevaya müraciəti öz nəticəsini verdi: “SƏDƏRƏK YUSİF”in “DEKA” şirkəti məhkəməyə verildi

Vilayət Eyvazov əsgərlərlə nahar etdi -

Vilayət Eyvazov əsgərlərlə nahar etdi - FOTOLAR

Dava salan deputatın oğluna cinayət işi açıldı-

Dava salan deputatın oğluna cinayət işi açıldı- 3 AYLIQ HƏBS VERİLDİ

Sabunçuda Rəsulzadənin adı küçədən götürülüb? -

Sabunçuda Rəsulzadənin adı küçədən götürülüb? - AÇIQLAMA

Ədliyyə Nazirliyi Rüstəm İbrahimbəyovun səlahiyyətlərini tanıdı

Ədliyyə Nazirliyi Rüstəm İbrahimbəyovun səlahiyyətlərini tanıdı

Deputat İqbal Məmmədov “Relax”da baş verənlərlə bağlı açıqlama yayıb

Deputat İqbal Məmmədov “Relax”da baş verənlərlə bağlı açıqlama yayıb

Vilayət Eyvazov əməliyyat müşavirəsi keçirib

Vilayət Eyvazov əməliyyat müşavirəsi keçirib

Cəmi 972 manat vergi ödənilmişdi-

Cəmi 972 manat vergi ödənilmişdi- "Relaks" qalmaqalı ilə bağlı RƏSMİ AÇIQLAMA

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur