“Yeni Çağ” və “Xəbər 365”dən möhtəşəm layihə: “Cümhuriyyət üçün oxu”
“Yeni Çağ” Media Qrupu ilə “Xəbər 365” informasiya portalı Azərbaycan Xalq Cümhuriyyətinin (AXC) 100-cü ildönümü ilə bağlı yeni layihə hazırlayıb.
AFN xəbər verir ki, ideya müəllifi “Xəbər 365” informasiya portalının baş redaktoru Anar Əsədli, təşkilatçısı isə “Yeni Çağ” Media Qrupunun rəhbəri Aqil Ələsgər olan “CÜMHURİYYƏT ÜÇÜN OXU!” layihəsi sözügedən media orqanlarının 3-cü ortaq işidir.
Nüfuzlu ziyalıların, tanınmış sənətçilərin və istedadlı gənclərdən ibarət yetkin heyətin iştirakı ilə fevral ayında start götürəcək layihənin 28 May Respublika günü ərəfəsində təqdimatı nəzərdə tutulur.
