TV-də Arif Əliyevə qoyulan qeyri-rəsmi qadağa götürüldü- VİDEO+FOTO


TV-də Arif Əliyevə qoyulan qeyri-rəsmi qadağa götürüldü-


Azərbaycanın sabiq Prezidentinin mətbuat katibi, “Yeni Nəsil” Jurnalistlər Birliyinin sədri, tanınmış jurnalist Arif Əliyev uzun illər fasilədən sonra yenidən İctimai televiziyanın (İTV) efirlərinə dəvət alıb.



Demokrat.az xəbər verir ki, təqribən 7-8 ilədək İTV və digər telekanallarda çıxışlarına qeyri-rəsmi qadağa qoyulmuş Arif Əliyev ötən gün sözügedən telekanalda yayımlanan "Dik daban" verilişində qonaq olub.

Arif Əliyev verilişdə əsasən müəllifi olduğu "Yalama" kitabının qəhrəmanlarından və Rus-bolşevik işğalından danışıb:

"İTV bir əsrdir özlərinə ədalət istəyən Yalama qəhrəmanları və tariximizin bu şanlı səhifəsi haqqında həqiqətin televiziyaya qapısını açdı. Ümid edirəm bu yaxınlarda filmin də yolu televiziyaya açılacaq".

Arif Əliyev Demokrat.az-a açıqlamasında bu dəvətin onun üçün artıq gözlənilməz olmadığını söyləyib:

"Səhv etmirəmsə sonuncu dəfə 2012-ci ildə telekanallara çağırılmışam. Açığı deyim ki, bu dəvət indiki vəziyyətdə mənə təəccüblü gəlmədi. Çünki İTV və digər bir neçə kanal öz siyasətlərində nəhayət ki, müəyyən dəyişikliklər etməyə cəhd edirlər. Bu səbəbdən də uzun illərdə efirlərdə görünməyən mənim kimi bir neçə adamlar telekanallara çağırılırlar. Bütün bunlar alqışlanmalıdır və təqdir olunur. Biz bilirik ki, bu dəyişiklik telekanal rəhbərlərinin dəyişməsinə görə deyil. Yəni, bu cür məsələlərdə telekanal rəhbərlərinin dəyişməsi həlledici rol oynamır. Həlledici rolu ölkə rəhbərinin bu sahələrə yanaşma tərzi oynayır. Bu cür islahatlar digər sahələrdə də müşahidə olunur. Ancaq bu sahədə hələ çox işlər görülməlidir. Çünki bir tərəfdə müqavimət göstərən qüvvələr var. Digər tərəfdən isə kadrlarla bağlı müəyyən məsələlər mövcuddur. İstənilən halda, bu cür addımlar alqışlanmalıdır".



TV-də Arif Əliyevə qoyulan qeyri-rəsmi qadağa götürüldü-



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu