ASGA 2006-cı ilin 30 iyun tarixində Azərbaycan Respublikası Ədliyyə Nazirliyində dövlət qeydiyyatından keçib. Bu il təşkilatın 11 yaşı tamam olur.
Təşkilat bu illər ərzində öz spesifikasına uyğun fəaliyyət göstərərək ciddi uğurlar əldə edib. Bugünə qədər ASGA 100-dən çox layihə reallaşdırıb ki, onlardan 15-ni beynəlxalq layihələr təşkil edir. Son 11 ildə ASGA ölkəmizə qarşı qərəzli hesabatlar verən təşkilatlara qarşı bir neçə dildə və müxtəlif məzmunda 46 bəyanat yayıb.
Bu barədə saytımıza təşkilatın sədri, internet-media ekspert Səbuhi Abbasov məlumat verib: "Ötən 2017-ci il ərzində təşkilatımız müxtəlif istiqamətlərdə müxtəlif maraqlı və strateji layihələr reallaşdırıb. Respublikası Gənclər və İdman Nazirliyi, Mədəniyyət və Turizm Nazirliyi, QHT-lərə Dövlət Dəstəyi Şurası, Gənclər Fondunun dəstəyi ilə reallaşdırdığımız layihələr cəmiyyətdə maraqla qarşılandı, minlərlə gənci öz ətrafında birləşdirə bildi. Bu il ərzində təşkilatımız 14 yerli, 6 beynəlxalq layihə reallaşdırıb. Təşkilatın media qurumları ilə sıx əməkdaşlığı qurulub. Məhz bunun nəticəsidir ki, 2017-ci il ərzində müxtəlif mövzularda ASGA ilə bağlı 1267 məqalə, müsahibə, reportaj, münasibətdərc edilibdir. Təşkiatımız tərəfindən il ərzində reallaşdırılan layihələrin bir qisminin bunlardır: "SLAVYAN ÖLKƏLƏRİNDƏKİ AZƏRBAYCANLILAR”, "Milli-mədəni dəyərlərin internet mediada təbliği”, "Şəhidimi unutmadım, unutmaram", "Azərbaycan – 25 illik misilsiz inkişaf haqqında virtual təqdimatların təşkili”, "QARABAĞ DÜNƏN, QARABAĞ BUGÜN, QARABAĞ SABAH” sənədli filmi, "Gənclərin İKT inkişafı mərkəzi”, "Cocuq Mərcanlıya Böyük qayıdış”, "Milli rəqs və musiqi” festivalı, "Ağdaban qətliamının tanıdılması məqsədilə iki dildəwww.Agdaban.az(en.Agdaban.az) informasiya mərkəzinin yaradılması”, "ASGA-nın Macarıstan günləri”, "Aprel döyüşlərinin tank komandiri: ŞƏHİDLİYİN RAHİM TAĞIYEV ZİRVƏSİ” – adlı qısametrajlı sənədli film, "Work In Europe”-gənclərin biznes şəbəkəsi və s. layihələr öz əhəmiyyətində görə xüsusi yer tutdular. Bundan başqa il ərzində ASGA olaraq bir sıra mötəbər tədbirlərdə iştirak etdik. Avstriyada Avstriya Federal Kanslerinin Baş direktor müavini Roland Faberlə görüş, Türkiyədə reallaşanBeynəlxalq Qaradəniz Mədəniyyət Turizm Media Şurasında iştirak, Brüsseldə yüzlərlə azərbaycanlının iştirakı ilə İlham Əliyevə dəstək aksiyası, Brüsseldə V "Şərq Tərəfdaşlığı” Sammitində xüsusi statusda iştirak, Birləşmiş Ərəb Əmirliyində işgüzar səfər, Avstriyada reallaşan "İnternet azadlığı konfransı: internet medianin rolu və vəzifələri” adlı konfransda iştirak və "TÜRK DÜNYASI GENÇLİK GÜNLERİ KURULTAYI VE LİDERLER ZİRVESİ”ndə iştirak bu mötəbər beynəlxalq tədbirlər silsiləsinə aiddir. ”
Məlumat üçün qeyd edək ki, bugün ASGA Azərbaycan Milli QHT-lər Forumu (üzvdür), Gənclər Təşkilatları Milli Şurası (üzvdür) ilə sıx əməkdaşlıq edir. Bundan başqa ASGA Avropa Şurası Gənclər Departamenti, Rusiyanın Azərbaycanlı Gənclər Təşkilatı (AMOR), Rusiyada Azərbaycan Mədəniyyətinin İntibahı və İnkişafı Fondu və Slavyan ölkələrində fəaliyyət göstərən səfirliklər və QHT-lərlə sıx əməkdaşlıq edir. Təşkilatın rəsmi veb səhifəsi www.AzSlav.org-dur.
[/center]