Milanda Xocalı aksiyası başladılıb - FOTO


Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə Xocalı faciəsinin 23-cü ildönümü ilə əlaqədar İtaliyanın Milan şəhərində silsilə tədbirlər kampaniyası davam edir.

Şuradan verilən məlumata görə, artıq 3 gündür Milan şəhər nəqliyyatının 166 marşrutunda Xocalı facisəni əks etdirən, üzərində “Xocalıya Ədalət” şüarı olan avtobus, tramvay və trolleybuslar reysə çıxırlar. Onu da qeyd edək ki, bu marşrutların hərəkət trayektoriyası şəhərin bütün yaşayış məntəqələrini əhatə edir. O cümlədən 6 marşrut bütün sutka ərzində və şəhərboyu dairəvi hərəkətdədir. Şəhər Nəqliyyat Departamenti ilə bağlanan müqaviləyə əsasən, stiker və bannerlər daha 2 həftə ərzində marşrutlarda saxlanılacaq.

Bundan başqa bir həftədən çoxdur ki şəhər sakinləri arasında Xocalı soyqırımına həsr olunmuş məlumat bukletləri paylanmaqdadır. 15 min tirajla çap edilmiş bu bukletlərin böyük hissəsi səhərin əksər teatr və mədəniyyət mərkəzlərində, ictimaiyyətin sıx olduğu yerlərdə, ictimai nəqliyyatda paylanılıb. Bu aksiya 24 fevrala kimi davam etdiriləcək.

Fevralın 24-də isə Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə Milan şəhərinin mərkəzində yerləşən məşhur “Teatr Filodrammatici” Teatrında “Xocalıda qırmızı mələk” adlı tamaşanın premyerası, premyeraya qədər isə Xocalı faciəsinə həsr olunmuş sərgi təşkil ediləcək.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu