İşğalçı düşmən ordusnun iki zabiti ağır yaralanıb
Ermənistan ordusunun iki zabiti ağır yaralanıb.
AFN Ermənistan mətbuatına istinadən xəbər verir ki, Agdərə rayonunda xəndək qazan bir qrup hərbi qulluqçuya başçılıq edən bir kapitan və bir polkovnik–leytenant ağır yaralanıb.
Hər iki hərbi qulluqçu hərbi hospitala yerləşdirilib. Əldə edilən məlumata əsasən zabitlərdən biri Arsen Hovakimyandır.
Hadisə ilə bağlı araşdırma aparılır. İctimaiyyətdən gizlədilən hadisənin guya atəşkəs rejiminin pozulması nəticəsində baş verdiyi iddia edilir.
