Oğluna adı qoyulan ŞƏHİDİN sonuncu zəngi: “...Gələ bilməyəcəm”-FOTO

Xəbərin çap versiyası
Tarix: 18-10-2017, 12:07    |    Xəbər oxunub: 761 dəfə
Oğluna adı qoyulan ŞƏHİDİN sonuncu zəngi:


2016-cı ilin aprel döyüşlərində şəhid olmuş leytenant Qabil Orucəliyev...

Zabit döyüşlərin qızğın vaxtı itkin düşmüş hərbçilərimizin siyahısında idi. Ondan bir neçə gün xəbər almaq mümkün olmamışdı. Nəhayət ermənilərin internetdə paylaşdıqları şəkilləri görən ailəsi Qabili tanımışdı. O, şəhid olaraq ermənilərin nəzarətində olan ərazidə qalmışdı...


Aprelin 10-da beynəlxalq təşkilatların vasitəçiliyi ilə şəhidimizin nəşi ermənilərdən alındı, bir gün sonra isə dəfn olundu...
Ölümündən 4 gün əvvəl oğlu dünyaya gəlmişdi, amma üzünü görməmişdi... Məzuniyyətə gəlməliydi, oğlunu görmək üçün... Heç uşağa ad da qoymamışdılar... Qabili gözləyirdilər... Amma aprel döyüşləri Qabilin məzuniyyət almağına imkan vermədi... Şəhid oldu... Özünün adını oğluna verdilər - Qabil Qabil oğlu Orucəliyev...

“Qabil 10 ay olardı ki ailə həyatı qurmuşdu. 2016-cı ilin 29 martında övladı dünyaya gəlmişdi. Amma Qabil övladının üzünü heç vaxt görə bilmədi”.


Bunu Modern.az-a açıqlamasında 2016-cı ilin aprel döyüşləri zamanı şəhid olan leytenant Qabil Orucəliyevin anası Nuriyyə Orucəliyeva deyib.

Nuriyyə xanım deyir ki, nəvəsi çətinliklə dünyaya gəlib.

“Ona görə də Qabilin mümkün qədər evə tez gəlməsini xahiş etdik. Qabil isə evə gəlməsinin qeyri-mümkün olduğunu bildirdi. "İşi qoyub gələ bilmərəm. Əgər məzuniyyət götürə bilsəm, gələcəm”-dedi. Evə gəlməyə heç tələsmirdi. İşinə çox bağlı idi. Axırıncı dəfə aprelin 1-də telefon danışığımız olmuşdu. Yoldaşı da həmin vaxt xəstəxanada idi. Elə aprelin 1-i o da axşam 12-yə 10 dəqiqə qalanda danışmışdı. Qabilin sonuncu sözü o olmuşdu ki, özünüzdən muğayat olun. Amma bizə müharibə haqqında heç nə demədi”.

Qabil Orucəliyevin anası oğlunun şəhid xəbərini gec aldıqlarını bildirib.

“Əslində Qabil aprelin 1-dən 2-nə keçən gecə səhər üzü saat 5-də şəhid olmuşdu. Nə vaxt əlaqə saxlamağa çalışırdıqsa, döyüş yoldaşları gah yaralı olduğunu, gah danışmaq imkanının olmadığını deyirdilər. Amma yoldaşı və mən aprelin 10-da bildik ki Qabil şəhid olub. Tərtərdə qulluq edirdi”.

Nuriyyə Orucəliyeva deyir ki, nəvəsi Qabilin sanki əkiz tayıdır.

“Nəvəm Qabil 1 yaş 8 aylıqdır. Elə bilirəm ki, Qabil ölməyib, hələ balacadır, evdə gəzir. Nəvəm oğlumun sanki əkiz tayıdır. Hətta Qabilin bir çox xüsusiyyətlərini nəvəmdə görürəm. Qabilin atasız böyüməsinə çox üzülürəm. Digər oğlum uşağı ilə evə gələndə nəvəm Qabil onu atasına qısqanır. Uşağın atasına yaxın getməsinə imkan vermir. Uşağı kənara itələyir ki, əmisi bunu qucağına alsın. Əmisini atası hesab edir. Ümid edirəm ki, nəvəm də atası kimi qoçaq olacaq. Allah onun xoş günlərini görməyi mənə nəsib etsin”.

Leytenant Qabil Orucəliyev 1991-ci il 15 sentyabr tarixində Naxçıvan şəhərində anadan olub. 2016-cı ilin aprel döyüşləri zamanı şəhid olub.
Aprelin 11-də Qabil Orucəliyev doğulduğu Naxçıvan şəhərində son mənzilə yola salınıb.
Ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Qabil Orucəliyev ailəli idi, şəhid olmazdan 4 gün əvvəl, 29 mart günündə oğul övladı dünyaya gəldi. Üzünü görə bilmədiyi oğluna atasının adı qoyuldu, - Qabil Qabil oğlu Orucəliyev.

Oğluna adı qoyulan ŞƏHİDİN sonuncu zəngi:




AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Makedoniya Türk Hərəkat Partiyasının lideri:

Makedoniya Türk Hərəkat Partiyasının lideri: “Partiya olaraq Qarabağ məsələsi diqqətimizdə olacaq”

Dəmiryolu vağzalındakı

Dəmiryolu vağzalındakı “TASTE” restoranında “MTN izi”-milyardların söhbəti

Azərbaycan İslam dünyasını vəhdətə çağırır

Azərbaycan İslam dünyasını vəhdətə çağırır

Orta məktəblərdə bütün siniflər təmayüllü olacaq

Orta məktəblərdə bütün siniflər təmayüllü olacaq

Həbsdəki müstəntiq ata oldu

Həbsdəki müstəntiq ata oldu

Lökbatandakı partlayışla bağlı cinayət işi açıldı

Lökbatandakı partlayışla bağlı cinayət işi açıldı

Cocuq Mərcanlıda bütün evlər içməli su ilə təmin edilib

Cocuq Mərcanlıda bütün evlər içməli su ilə təmin edilib

Azərbaycan OPEC-in iclasına dəvət olunub

Azərbaycan OPEC-in iclasına dəvət olunub

“Çelsi” azarkeşləri Bakı Olimpiya Stadionuna ayrıca girişdən daxil olacaqlar

“Çelsi” azarkeşləri Bakı Olimpiya Stadionuna ayrıca girişdən daxil olacaqlar

İlham Əliyev FIFA prezidentini qəbul edib

İlham Əliyev FIFA prezidentini qəbul edib

Kollegiya Yalçin İmanovun vəkillik fəaliyyətinə qadağa qoydu

Kollegiya Yalçin İmanovun vəkillik fəaliyyətinə qadağa qoydu

Əli Həsənovun nəvəsi məhkəmə qarşısına çıxarılır

Əli Həsənovun nəvəsi məhkəmə qarşısına çıxarılır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur