"Qaçqınkom"da Laçının işğalı ilə bağlı tədbir keçirilib

Xəbərin çap versiyası
Tarix: 18-05-2018, 17:45    |    Xəbər oxunub: 567 dəfə
"Qaçqınkom"da Laçının işğalı ilə bağlı tədbir keçirilib


Qaçqınların və Məcburi Köçkünlərin İşləri üzrə Dövlət Komitəsində Laçın rayonunun Ermənistan silahlı birləşmələri tərəfindən işğalının 26-cı ildönümünə həsr olunan anım tədbiri keçirilib.

Əvvəlcə Azərbaycanın dövlət müstəqilliyi və ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad olunub.

Laçın rayonunun Azərbaycanın füsunkar guşələrindən biri olduğunu və strateji mövqedə yerləşdiyini diqqətə çatdıran Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev ermənilərin Azərbaycan xalqının başına gətirdiyi faciələri yada salıb. Ozamankı Azərbaycan hakimiyyətinin səriştəsiz fəaliyyətinin ölkə üçün ağır nəticələrə səbəb olduğunu bildirən Rövşən Rzayev 1992-ci ildə Laçın rayonunun müdafiəsinin lazımı səviyyədə təşkil edilmədiyini və rayonun düşmənin əlinə keçdiyini diqqətə çatdırıb.

O, Azərbaycan Respublikasının Prezidenti, Ali Baş Komandan İlham Əliyevin rəhbərliyi altında həyata keçirilən düşünülmüş, çevik, qətiyyətli, uzaqgörən siyasəti nəticəsində ərazi bütövlüyümüzün təmin ediləcəyinə əminliyini bildirib. Azərbaycanın Birinci vitse-prezidenti xanım Mehriban Əliyevanın qaçqın və məcburi köçkünlərin sosial vəziyyətinin yaxşılaşdırılmasını daim diqqətdə saxladığını vurğulayıb. Eyni zamanda ölkəmizdə davamlı olaraq həyata keçirilən sosial yönümlü layihələri, qaçqın və məcburi köçkünlərin həyat şəraitinin yaxşılaşdırılması istiqamətində görülən irimiqyaslı işləri tədbir iştirakçılarının diqqətinə çatdırıb.

Laçın rayonunun ağsaqqalları Əmirxan Zeynalov, Qəzənfər Hüseynov Laçının Azərbaycan üçün tarixi, mədəni və iqtisadi baxımdan strateji əhəmiyyəti və işğalın ağır nəticələrindən danışıblar.

Milli Məclisdə Laçın rayonunu təmsil edən millət vəkili Mahir Abbaszadə Laçının qədim və möhtəşəm mədəniyyət abidələrindən, təbiətindən, strateji əhəmiyyətindən danışıb. Prezident İlham Əliyevin 2011-ci il dekabrın 24-də 50 illik yubileyini məhz Ağcabədi rayonunun Taxtakörpü qəsəbəsində Laçından olan məcburi köçkünlərlə birlikdə keçirdiyini xatırladan millət vəkili bunun laçınlılara olan qayğının bariz nümunəsi olduğunu söyləyib.

Çıxış edən ziyalılar, Qarabağ Müharibəsi Əlilləri, Veteranları və Şəhid Ailələri İctimai Birliklərinin rəhbərləri, döyüşçülər Ermənistan silahlı qüvvələrinin Azərbaycanda törətdiyi vəhşiliklərdən söhbət açıblar.

Sonra Laçın haqqında “Laçınsız” filmi nümayiş olunub.

Tədbirin sonunda Laçın rayonundan olan ziyalılar, Qarabağ Müharibəsi Əlilləri, Veteranları və Şəhid Ailələri İctimai Birliklərinin Şuşa, Ağdam, Fizuli, Cəbrayıl, Kəlbəcər, Qubadlı, Laçın, Zəngilan, Xocalı, Xocavənd rayonlarının rəhbərləri ilə xatirə şəkili çəkilib.




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
Rüfət Aslanlı səlahiyyətlərindən birini itirdi

Rüfət Aslanlı səlahiyyətlərindən birini itirdi

Erməni nazir:

Erməni nazir: İran qazı bizim cibimizə görə deyil

DİM 100-dən çox şagirdin imtahan nəticəsini dəyişdi

DİM 100-dən çox şagirdin imtahan nəticəsini dəyişdi

Rustavidə azərbaycanlı tələbənin meyiti tapılıb

Rustavidə azərbaycanlı tələbənin meyiti tapılıb

"Mənim ana dilim" olimpiada layihəsi başa çatıb

“Səhliyalı” barədə cavabsız suallar:

“Səhliyalı” barədə cavabsız suallar: Siçan nəcisi, xərçəng yaradan maddə və “HALALLIQ”

Elmira Axundovaya “Xalq yazıçısı” adı verildi

Elmira Axundovaya “Xalq yazıçısı” adı verildi

“SABAH” qrupunun tələbələri

“SABAH” qrupunun tələbələri "Qaçqınkom"da olublar

Binəqədidə yolların yenidən qurulması üçün

Binəqədidə yolların yenidən qurulması üçün 1,9 milyon manat AYRILDI

“Nar” “Respublika günü” münasibətilə abunəçilərinə internet hədiyyə edir

“Nar” “Respublika günü” münasibətilə abunəçilərinə internet hədiyyə edir

“Bakı Dairəvi-1” yolunda nəqliyyatın hərəkətində dəyişikliklər edilib

“Bakı Dairəvi-1” yolunda nəqliyyatın hərəkətində dəyişikliklər edilib

Yol Polisinin rəhbərliyi Milli Məclisə

Yol Polisinin rəhbərliyi Milli Məclisə ÇAĞIRILDI

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur