Məktəblərdə pullu test keçirilməsinə ETİRAZ-nazirlikdən açıqlama verildi

Xəbərin çap versiyası
Tarix: 13-02-2018, 15:35    |    Xəbər oxunub: 584 dəfə
Məktəblərdə pullu test keçirilməsinə


"Məktəblərdə test keçirmək adı ilə pul yığılır".

AFN xəbər verir ki, belə bir iddia ilə "Milli Mədəniyyətin Təbliği” İctimai Birliyinin sədri Jalə Cəfərova facebook səhifəsində çıxış edib. J.Cəfərova valideynlərdən pul yığılmasında Təhsil Nazirliyini suçlayır: "Hamımız bilirik ki, Təhsil Nazirliyinin icazəsi olmadan məktəbə daxil olub bir müəllimə, bir şagirdə yaxınlaşıb sual ünvanlaya bilməzsən. O ki qala hansısa təşkilat gəlib icazəsiz tədbir keçirə. Müəyyən səbəblərdən məktəblərin ünvanını deyə bilməsəm də, altı məktəbdə "TTM” deyilən bir özəl şirkətin özbaşnalığından hiddətə gəlməmək mümkün deyil. Rusdili bölmənin 4-cü siniflərində test keçirilir.
Deyəcəksiniz nə olsun? O olsun ki, məktəb direktorları da təkidlə valideynlərdən tələb edirlər. Bəli, tələb edirlər ki, uşaqlarınızı test imtahanına gətirməyə də bilərsiniz, ancaq qeydiyyatdan keçirib beş manatı ödəməlisiniz, yoxsa, uşaq dərsə buraxılmayacaq".

Təhsil Nazirliyindən AFN-in sorğusuna cavab olaraq bildirilib ki, Təhsil İnstitutunun Təhsil Texnologiyaları Mərkəzi tərəfindən Bakı Şəhəri üzrə Təhsil İdarəsinin tabeliyindəki ümumi təhsil məktəblərində sınaq qiymətləndirmələr təşkil edilir: "Sınaq qiymətləndirmələrin keçirilməsində əsas məqsəd şagirdlərin ayrı-ayrı fənlər üzrə bilik və bacarıqları haqqında daha dolğun və obyektiv məlumatlar əldə etmək, bu məlumatlar əsasında aparılan təhlil nəticələrinin müəllim, məktəb rəhbərliyi və valideynlərə müvafiq qaydada çatdırmaqdan ibarətdir.
Beynəlxalq təcrübədə özünü doğrultmuş müvafiq qiymətləndirmə şagird və abituriyentlər üçün psixoloji cəhətdən imtahan həyəcanını dəf etmək, məktəbliləri uğur qazanmağa ruhlandırmaq və ən əsası, məktəblilərin zəif və güclü tərəfləri ilə bağlı ümumi təhlillər aparmaq məqsədi daşıyır. Son nəticədə, bu, həm də müəllimlərin peşəkarlıq səviyyəsinin müəyyənləşməsinə və onların müvafiq bilikləri şagirdlərə aşılama bacarıqlarının aşkara çıxarılmasına zəmin yaradır.
Sınaq qiymətləndirmə üzrə bütün sual və tapşırıqlar tədris proqramına uyğun təşkil olunur. Qiymətləndirilmənin təşkili prosesi testologiyanın tələblərinə əməl etməklə, yüksək səviyyəli mütəxəssislər tərəfindən hazırlanır və obyektivlik təmin edilir. Məzmunun etibarlılığı, prosesin obyektiv və şəffaf təşkili istənilən qiymətləndirmənin təməl prinsipləridir. Məhz bu baxımdan bu sınaq qiymətləndirmə təhsil prosesinin bütün iştirakçılarına şagirdlərin müxtəlif fənlər üzrə bilik və bacarıqları haqqında dolğun və obyektiv məlumatlar əldə etmək imkanı verir. Məlumdur ki, təhsildə keyfiyyətin təmin olunmasına nail olmaq üçün bu növ məlumatlar mühüm əhəmiyyət kəsb edir. Bu məqsədlə gələcəkdə sınaq qiymətləndirmənin o cümlədən müxtəlif yaş qrupları üçün aparılması planlaşdırılır.
Qeyd edək ki, mərkəzləşmiş şəkildə keçirilən sınaq qiymətləndirmə könüllülük prinsipi təşkil edilir. Sınaq qiymətləndirmədə iştirak etmək istəyən şagirdlər valideynlərinin razılığı ilə www.ttm.edu.az saytında qeydiyyatdan keçərək, onlayn ödəniş etməklə, seçdikləri imtahan mərkəzinə yazıla bilərlər.
Yeni fəaliyyət göstərməsinə baxmayaraq, 16000-dən çox istifadəçinin qeydiyyatdan keçdiyi saytdan imtahan nəticələrini yalnız valideynlər və şagirdlər şəxsi kod yazmaqla öyrənə bilərlər".




AFN.az
Redaksiyamızla əlaqə: tel; 055 260 69 84, e-mail afn.news@mail.ru






Diqqətinizi çəkə biləcək digər xəbərlər
Şirvanda “Odessa” Teyyub güllələnib

Şirvanda “Odessa” Teyyub güllələnib

Millət vəkilindən

Millət vəkilindən "İdeal"ın rüsvayçı kampaniyası ilə bağlı maraqlı təklif

İstanbulda Xocalıya Ədalət Həftəsi başladı-

İstanbulda Xocalıya Ədalət Həftəsi başladı- FOTOLAR

DİN Xoşqədəmin verilişindəki iddialarla bağlı açıqlama:

DİN Xoşqədəmin verilişindəki iddialarla bağlı açıqlama: "Ucuz şoudur"

Xocalı uşaqların gözü ilə...

Xocalı uşaqların gözü ilə...

Bələdiyyə başqanı Qənirə Paşayevanın Azərbaycan küçəsi və Qarabağ parkı təklifini dəstəkləyib

Bələdiyyə başqanı Qənirə Paşayevanın Azərbaycan küçəsi və Qarabağ parkı təklifini dəstəkləyib

Beynəlxalq Federasiyaya azərbaycanlı rəhbər təyin olundu-

Beynəlxalq Federasiyaya azərbaycanlı rəhbər təyin olundu- FOTOLAR

3 ay əvvəl Qusarda itkin düşmüş 29 yaşlı qadın Xırdalanda tapıldı

3 ay əvvəl Qusarda itkin düşmüş 29 yaşlı qadın Xırdalanda tapıldı

Türk ordusu 1931 terrorçu məhv edib

Türk ordusu 1931 terrorçu məhv edib

Seçkiləri izləmək üçün 51 müşahidəçi qeydiyyatdan keçib

Seçkiləri izləmək üçün 51 müşahidəçi qeydiyyatdan keçib

560 minə yaxın şəxsin müavinətləri artırılacaq-

560 minə yaxın şəxsin müavinətləri artırılacaq- Açıqlama

Damlaya 35 milyonluq zərbə:

Damlaya 35 milyonluq zərbə: işçisini polisə verdi

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur