İlham Əliyev Etibar Pirverdiyevin sözünü kəsdi: "Cavab ver..."

Xəbərin çap versiyası
Tarix: 4-07-2018, 21:30    |    Xəbər oxunub: 1 807 dəfə
İlham Əliyev Etibar Pirverdiyevin sözünü kəsdi:


Xəbər verildiyi kimi bu gün prezident İlham Əliyev ölkənin energetika sistemində dalbadal baş vermiş və bütün ölkəni işıqsız qoyan qəza ilə bağlı xüsusi müşavirə keçirib.

AFN xəbər verir ki, AzTV bu müşavirəni az əvvəl yayımlayıb. Müşavirədə prezident “Azərenerji” ASC-nin rəhbəri Etibar Pirverdiyevi baş vermiş hadisə barədə izahat verməsi üçün ayağa qaldırıb. Pirverdiyev çıxışına başlayaraq ölkənin elektrik enerjisi sisteminin çökməsinə görə “dərin narahatlıq” ifadə edib, prezidentdən və elektrik enerjisi istehlakçılarından üzr istəyib. Daha sonra “Azərenerji” ASC-nin rəhbəri ölkənin energetika sisteminin yenidən qurulması üçün son 15 ildə görülmüş işlərdən danışmağa cəhd edib. Bu zaman prezident İlham Əliyev onun sözünü kəsib və sərt tonda deyib: “Biz bilirik son 15 ildə hansı işlər görülüb. Sən denən qəzanın səbəbləri nədir? Nə üçün ölkəni qaranlıq bürümüşdü? Səbəblər nədir?”

E.Pirverdiyev məruzəsinə davam edərək baş verənləri son bir həftə ərzində elektrik enerjisinə tələbatın isti hava şəraiti ilə “kəskin, 40 faiz artması" ilə əsaslandırmağa çalışıb. Lakin prezident yenə də onun sözünü kəsib: “İsti hava qəzanın səbəbi ola bilməz. Bizdən də isti ölkələr var, onlarda belə hadisələr baş vermir. Verəndə də bütün ölkənin enerji sistemi çökmür. Yenə də deyirəm, qəza baş verə bilər, bu istisna deyil. Ancaq bir qəzaya görə böyük bir ölkənin enerji sisteminin çökməsi çox ciddi səhvdir. Bizim kifayət qədər enerji gücümüz var, biz xarici ölkələrə elektrik enerjisi ixrac etmək imkanındayıq. Ona görə də isti havalara görə tələbatın artması qəzanın səbəbi ola bilməz. Qəzanın səbəblərini komissiya araşdıracaq. Bu məqsədlə komissiya yaradılıb. Siz sadəcə olaraq utanmalısız, xalq qarşısında, ölkə qarşısında utanmalısız. İnsanlara isti havada bu qədər əziyyət vermisiniz. Metroda qalanlar, qocalar, uşaqlar, qadınlar, xəstələr, liftlərdə qalanlar. İqtisadiyyata nə qədər böyük ziyan vurmusunuz. Elə SOCAR-ın burada deyilən ziyanını hesablasaq ölkəyə nə qədər böyük ziyan dəydiyini görərik. Mən bu sahəyə bu qədər investisiya ayırmışam, dövlət investisiya proqramında hər il bu məqsədlə böyük vəsaitlər ayrılır, yeni elektrik stansiyaları tikilir. Elə sistem qurulmalıydı ki, bir qəzaya görə ölkənin enerji sistemi çökməsin. Nə üçün Bakıda, Sumqayıtda, digər yerlərdə yeni tikilmiş elektrik stansiyaları Mingəçevirdəki qəzadan sonra fəaliyyətini dayandırdı? Siz bunun izahatını verməlisiniz. Yoxsa başlamısız havalar isti keçir, istehlak artıb. Bu məni qane edə bilməz, əyləşin”.

Etibar Pirverdiyev prezidentin bütün bu sözlərini başı aşağı əyilmiş vəziyyətdə dinləyib, məruzəsini tamamlaya bilmədən yerinə oturub...






AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Özünü güllələyən polisin ölümü ilə bağlı cinayət işi başlandı

Özünü güllələyən polisin ölümü ilə bağlı cinayət işi başlandı

ƏMDK mobil qeydiyyat kampaniyasını davam etdirir:

ƏMDK mobil qeydiyyat kampaniyasını davam etdirir: 4 minə yaxın mənzillərin çıxarışı hazırdır

“VTB Bank”da 257 milyon manat yığılmış zərər

“VTB Bank”da 257 milyon manat yığılmış zərər

“Keşikçidağ” Azərbaycanındır -

“Keşikçidağ” Azərbaycanındır - Nazirlikdən açıqlama

AQTA-nın daha bir tender

AQTA-nın daha bir tender "möcüzəsi - Təhməzlinin şirkəti 643 min manatlıq tender udub

Azərbaycanda yeni internet televiziya yaradılıb

Azərbaycanda yeni internet televiziya yaradılıb

“Nar Wi-Fi” ilə bağ mövsümündə internetsiz qalma!

“Nar Wi-Fi” ilə bağ mövsümündə internetsiz qalma!

Türkiyə-Fethiyədə

Türkiyə-Fethiyədə "Qarabağ" həqiqətləri anılıb

Doha İslam Gənclik Forumu keçirilib -

Doha İslam Gənclik Forumu keçirilib - FOTOLAR

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Sabaha olan hava proqnozu açıqlanıb

Sabaha olan hava proqnozu açıqlanıb

“CavanNar” tarifinə qoşul, 10 GB internet əldə et!

“CavanNar” tarifinə qoşul, 10 GB internet əldə et!

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur