Prezidentin qatılacağı NATO zirvəsi başlayır
“Qafqazinfo” xəbər verir ki, ümumilikdə 28 ölkənin dövlət və hökumət rəhbərlərinin qatılacağı ikigünlük sammitdə NATO-nun Rusiyaya sərt mesajlar verəcəyi gözlənilir.
Polşanın paytaxtı Varşavada baş tutacaq zirvədə Ukraynaya müdaxilədən sonra Rusiyanın növbəti hücumlarından qorunmaq üçün 4 min NATO əsgərinin Litva, Latviya, Estoniya və Polşaya yerləşdirilməsi planı, həmçinin İŞİD və dig'r terror təşkilatları ilə mübarizə müzakirə ediləcək.
Sammit çərçivəsində 5 işçi sessiyası, həmçinin NATO-Ukrayna və NATO-Gürcüstan komissiyasının iclasları olacaq.
Onu da əlavə edək ki, Varşava sammiti NATO-nun Moskva nümayəndə heyətinin iştirakı olmadan keçiriləcək ikinci tamformatlı görüşü olacaq.
Qeyd edək ki, Azərbaycan və Ermənistan prezidentləri İlham Əliyev və Serj Sarkisyan da sammitdə iştirak etmək Polşanın paytaxtı Varşavaya işgüzar səfərə gediblər.
