Tamerlan Qarayev “Sultan” otelində jurnalistlərin qarşısına çıxdı

Xəbərin çap versiyası
Tarix: 18-06-2017, 14:44    |    Xəbər oxunub: 889 dəfə
Tamerlan Qarayev “Sultan” otelində jurnalistlərin qarşısına çıxdı



Azərbaycanın İndoneziyadakı səfiri Tamerlan Qarayev paytaxt Cakartdakı “Sultan” otelində keçirilən iftar mərasimindən sonra jurnalistlərin qarşısına çıxıb və bəzi açıqlamalar verib. Virtualaz.org İndineziya saytı hidayatullah.com-a istinadla xəbər verir ki, səfir jurnalistlərə Azərbaycanla Ermənistan arasında 25 ildən çoxdur davam edən müharibə barədə danışıb. O, ümid etdiyini bildirib ki, bu münaqişə nəhayət öz həllini tapacaq.

Tamerlan Qarayev indoneziyalı jurnalistlərə məlumat verib ki, bu münaqişə Azərbaycanın yenicə müstəqillik əldə etdiyi illərdə ermənilərin Dağlıq Qarabağda yaşayan azərbaycanlıları kütləvi qovması, onları qətlə yetirməsi ilə başlayıb.

“Onlar hər gün insanlarımızı öldürürdü. Ermənistan silahlı qüvvələri azərbaycanlı dinc əhalini, körpə uşaqları, yaşlı insanları belə qətlə yetirirdi”-səfir bildirib.

Tamerlan Qarayev deyib ki, Azərbaycan Qarabağ məsələsində başqa ölkələrdən, o cümlədən İndoneziyadan dəstək gözləyir. O, Ermənistanın tez-tez təmas xəttində eskalasiyaya əl atdığını və BMT Təhlükəsizlik Şurasının qətnamələrinə məhəl qoymadığını da deyib.

Tamerlan Qarayev Azərbaycanın real hərbi gücünün Ermənistandan qat-qat artıq olduğunu deyib. Ancaq əlavə edib ki, Ermənistanı Rusiya, ABŞ, Avropa ölkələri və İran dəstəkləyir. Bu səbəbdən Azərbaycan torpaqlarını işğaldan azad edə bilmir.

“Azərbaycan dəstək xahiş edir. Çünki beynəlxalq hüquq bizim tərəfimizdədir. Azərbaycan beynəlxalq hüquq baxımından düzgün olmayan nəsə xahiş etmir, sadəcə istəyir ki, Ermənistan hərbi qüvvələri Azərbaycan ərazilərindən çıxarılsın. Bu, ədalətli, düzgün mövqedir və dünya ictimaiyyətinin bu mövqeyimizi dəstəkləməsinə ümid edirik”.

Səfir məlumat verib ki, Azərbaycan prezidentinin İndoneziyaya gözlənilən səfəri zamanı iki ölkə hökumətləri arasında müxtəlif sahələrdə əməkdaşlığa dair 14 sənəd imzalanacaq. Tamerlan Qarayev Azərbaycanın neft və qazla zəngin olduğunu, eyni zamanda başqa ölkələrlə rəqabət aparacaq meyvə-tərəvəz istehsal etdiyini deyib. “Bizdə dünyanın ən dadlı manqosu da bitir”-o zarafatla bildirib.



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
ATƏT PA-nın yeni prezidenti məlum oldu

ATƏT PA-nın yeni prezidenti məlum oldu

Əfqanıstanda iki məsciddə törədilən partlayışlarda 59 nəfər ölüb

Əfqanıstanda iki məsciddə törədilən partlayışlarda 59 nəfər ölüb

Rusiya 33 ton pomidoru Azərbaycana qaytardı

Rusiya 33 ton pomidoru Azərbaycana qaytardı

Saakaşviliyə görə Poroşenkonu mühakimə edə bilərlər

Saakaşviliyə görə Poroşenkonu mühakimə edə bilərlər

Bir abituriyent iki qrup üzrə imtahan verə biləcək-

Bir abituriyent iki qrup üzrə imtahan verə biləcək- yenilik

Qoqolun sirli ölümü

Qoqolun sirli ölümü

HHM qoşunlarının növbəti hərbi hissəsi istifadəyə verilib

HHM qoşunlarının növbəti hərbi hissəsi istifadəyə verilib

Azərbaycan-Ukrayna işgüzar görüşü keçirilib

Azərbaycan-Ukrayna işgüzar görüşü keçirilib

Hər gün 7 min körpə ölür

Hər gün 7 min körpə ölür

Bakıda sahibsiz itlər nömrələnəcək

Bakıda sahibsiz itlər nömrələnəcək

Bakıda “Azərsu”ya bina tikən şirkəti Ukraynada yol tenderinə buraxmadılar

Bakıda “Azərsu”ya bina tikən şirkəti Ukraynada yol tenderinə buraxmadılar

Moskvada ermənilərlə taciklər arasında kütləvi dava

Moskvada ermənilərlə taciklər arasında kütləvi dava

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur