Qənirə Paşayeva Türk dünyasını Azərbaycan əleyhinə təbliğat aparanlara qarşı sərt mübarizəyə çağırıb- FOTOLAR
Millət vəkili Q. Paşayeva İstanbulda qardaş Türkiyənin və bəzi Türk xalqlarının QHT-ı və aydınları ilə görüşüb.
Əvvəlcə Türk Dünyası Araşırmalar Vəqfini ziyarət edən millət vəkili burada təşkilatın rəhbərliyi, gənclər təşkilatı, bir sıra tanınmış aydınlar, yazarlar, araşdırmaçılarla görüşüb. Millət vəkili eyni zamanda bir sıra türk xalqlarının Türkiyədə fəaliyyət göstərən QHT-ləri ilə də görüşüb. Görüşlıər zamanı Q.Paşayeva bildirib ki, harada doğulmasından və harada yaşamasından asılı olmayaraq hər bir Türk insanı bu gün Azərbaycanın yanında olmalı, həqiqətlərin dünyaya daha geniş çatdırılması üçün çalışmalıdır. Q.Paşayeva Türk dünyası KİV, QHT və gəncliyini həqiqətlərin dünyaya daha geniş yayılmasında sosial şəbəkələrin təqdim etdiyi imkanlardan geniş istifadə etməyə də çağırıb. Bu gün bəzi güclərin, onların KİV-lərinin, erməni diaspor, lobbisi və dəstəkçilərinin Azərbaycan əleyhinə təbliğat apardığını deyən millət vəkili bütün gəncləri, QHT və KİV-ləri həssas və duyarlı olmağa, yalanlara qarşı mübarizəyə səsləyib, gəncləri isə sosial media üzərindən yalan məlumatlarla Azərbaycan əleyhinə təbliğat aparmağa başlayanlara qarşı ciddi mübarizəyə səsləyib. Bəzi güclərin qardaş Türkiyədə bəzi şəxsləri ələ alaraq Azərbaycan əlehinə təbliğat aparmaqla iki qardaş dövlət münasibətlərinə xələl gətirmək niyyətləri ilə bağlı geniş danışan millət vəkili Q.Paşayeva birlikdə bu cür niyyətlərə qarşı sərt mübarizə aparmalıyıq ki hər kəs anlasın ki iki qardaş ölkə münasibətlərinə zərər vurmaq istəyənlər layiq olduqları cavabı alacaqlar deyib. Millət vəkili Türk dünyası QHT və KİV-lərini informasiya müharibəsində fəal olmağa çağırıb. Millət vəkili Qarabağ həqiqətlərinin daha geniş yayılmasında, qondarma “erməni soyqırımı”na qarşı mübarizədə də Türk dünyası QHT və KİV-nin üzərinə böyük vəzifələr düşdüyünü vurğulayaraq,onları erməni yalanlarının qarşısının alınması istiqamətində daha fəal mübarizəyə çağırıb. İşğalçı Ermənistanın törətdiyi vandalizm aktları barədə geniş danışan millət vəkili gerçəklərin dünyaya duyurulmasında Türk dünyası QHT və KİV-lərinin də üzərinə böyük vəzifələr düşdüyünü xüsusi vurğulayıb. Azərbaycan və Türkiyə bir millət iki dövlətdir deyən millət vəkili bu birliyin dosta da düşmana da bir məsaj olduğunu söyləyib. Q.Paşayeva Türk dünyası QHT və KİV-lərinə səslənərək topluma örnək olaraq bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib. Türk və Müsəlman dünyasının məhz bu düşüncə ilə hərəkət etməsinin vacibliyini xüsusi vurğulayaraq "zaman birlik və bərabərlik zamanıdır" deyib. Millət vəkili onları maraqlandıran sualları da cavablandırıb, konkret tədbirlər və layihjəlıər ətrafında geniş müzakirələr aparılıb. Millət vəkili Q.Paşayeva bir sıra KİV suallarını da geniş cavablandırıb və Azərbaycanla bağlı, Türk dünyası ilə bağlı geniş müsahibələr verib.
