“Xəzərin statusu ilə bağlı konvensiya bu il imzalanacaq”- Lavrov
Rusiyanın xarici işlər naziri Sergey Lavrov bu il Xəzər dənizinin hüquqi statusuna dair konvensiyanın imzalanacağını bəyan edib.
AzVision.az xəbər verir ki, bu barədə Lavrov "Rusiya- İmkanlar ölkəsidir" adlı forumda çıxışı zamanı bildirib.
"Böyük ehtimalla, konvensiya Qazaxıstanda keçiriləcək hökumət başçılarının 5-ci iclasında imzalacaq. Biz Xəzəryanı ölkələrin XİN rəhbəri ilə Moskvadakı görüşümüz zamanı konvensiyanın bütün müddəalarını razılaşdırmışıq. Hazırda konvensiyanın mətninin hər bir ölkənin dilinə uyğunlaşdırılması prosesi davam etdirilir".
Lavrov konvensiyanın imzalanması üçün heç bir maneənin olmadığını vurğulayıb.
