"ABŞ-ın Qüdslə bağlı qərarı böyük səhvdir"- Türkiyə XİN
"Fələstinlilər bizim kimi sülh və təhlükəsiz şəraitdə yaşamalıdır. Lakin buna baxmayaraq, fələstinlilər öldürülür və zorakılığa məruz qalır".
AzVision.az xəbər verir ki, bunu Bakıda keçirilən Qoşulmama Hərəkatının Fələstin üzrə Nazirlər Komitəsinin iclasında Türkiyənim xarici işlər naziri Mövlud Çavuşoğlu deyib.
"Ötən həftə xeyli günahsız fələstinli qətlə yetirildi. İsrail Fələstin torpaqlarının işğalını davam etdirir. Buna son qoymağın vaxtı çatıb. ABŞ-ın Qüdsdə səfirlik açması ilə bağlı qərarı böyük səhvdir. Bununla da ABŞ Yaxın Şərqdə sülh prosesində iştirakına kölgə saldı. Biz Fələstinin dövlət kimi tanınmasına dair səylərimizi artırmalıyıq", - deyə nazir vurğulayıb.