Fransalı nazir Bakıda dediklərini Yerevanda da təkrarladı
Fransa Dağlıq Qarabağ münaqişəsinin sülh yolu ilə nizamlanmasına kömək olan istənilən qərarı dəstəkləməyə hazırdır.
Virtualaz.org yerli KİV-ə istinadən bildirir ki, bunu Fransanın XİN rəhbəri Jan-iv Le Drian Yerevanda keçirdiyi brifinqdlə deyib.
“Mən dünən demişəm, bu gün də deyirəm ki, nə status-kvo, nə də güc variantı qəbuledilməzdir. Münaqişənin sülh yolu ilə həllinə alternativ yoxdur, məsələyə praqmatik və yaradıcı yanaşmaq lazımdır”, -deyə Le Drian bildirib və əlavə edib ki, baş verənlərdən həmişə məlumatı olur.
O, eyni zamanda Fransa hökumətinin Azərbaycan-Ermənistan münaqişəsinin nizamlanması yollarının axtarılmasına dəstək olmağa hazır olduğunu əlavə edib.
Qeyd edək ki, mayın 27-də Le Drian Bakıya səfər edərək, Qarabağ məsələsini azərbaycanlı həmkarı Elmar Məmmədyarovla müzakirə etmişdi.
Və sonra keçirdiyi mətbuat konfransında bildirmişdi ki, Dağlıq Qarabağdakı mövcud vəziyyət və status-kvo Azərbaycan və Ermənistan arasında münaqişənin aradan qaldırılması üçün yol deyil: “Fransa ATƏT-in Minsk Qrupunun hənsədri qismində Dağlıq Qarabağ münaqişəsinin sülh yolu ilə həlli üçün lazımi səyləri göstərəcək və biz hesab edirik ki, bu istiqamətdə ATƏT-in işini gücləndirmək lazımdır”.