YAP-ın namizədlər siyahısı hazırdır: əksər deputatlar kənarda qaldı (YENİLƏNİB)
Xəbər verdiyimiz kimi, Yeni Azərbaycan Partiyası parlament seçkiləri ilə bağlı siyahısını bu gün açıqlayacaq.
“Qafqazinfo”nun əldə etdiyi məlumata görə, siyahıda bir sıra tanınmış YAP-çı deputatlar yer almayacaq. Belə ki, yüksək dövlət vəzifəsi tutan şəxslərin parlamentdə təmsil olunması məqsədəuyğun hesab edilməyib.
YAP-ın yeni namizəd siyahısında vitse-spiker Bahar Muradova, Arif Rəhimzadə, Ağacan Əbiyev, Rövnəq Abdullayev, Şəmsəddin Hacıyev, Cavid Qurbanov, Hacı Salayev, İlham Əliyev, Əsabil Qasımov, Nəriman Əliyev, Sona Əliyeva, Rafiq Məmmədhəsənov, Yaqub Mahmudov, Mirzəcan Xəlilov, Mirkazım Kazımov, Sevinc Hüseynova, Mahir Abbaszadə, Tahir Süleymanovun adları yoxdur.
Vasif Talıbov, İsa Həbibbəyli, Ziyafət Əsgərov, Əli Hüseynli, Aydın Mirzəzadə, Səməd Seyidov, İqbal Məmmədov, Hadi Rəcəbli, Əhliman Əmiraslanov, Hüseynbala Mirələmov, Eldar İbrahimov, Naqif Həmzəyev, Oqtay Əsədov, Elçin Quliyev, Malik Həsənov, Cavanşir Paşazadə, Cavid Osmanov, Sahibə Qafarova, Nəsib Məhəməliyev, Nizami Cəfərov, Hikmət Məmmədov, Məlahət İbrahimqızı, Ağalar Vəliyev, Elman Nəsirov, Rəşad Mahmudov, Tahir Rzayev, Kamilə Əliyeva, Tahir Mirkişili, Kamran Bayramov, Kəmaləddin Qafarov, Bəxtiyar Sadıqov, Aqiyə Naxçıvanlı, İlham Məmmədov, İmamverdi İsmayılov, Sevinc Fətəliyeva, İmamverdi İsmayılov və Siyavuş Novruzovun namizədliklərinin isə yenidən irəli sürüldüyü qeyd olunur.
***
Yeni Azərbaycan Partiyasında (YAP) Milli Məclisə gələn il fevralın 9-da keçiriləcək növbədənkənar seçkilərə qatılacaq namizədlərin siyahısının dəqiqləşdirilməsinə həsr edilmiş iclas başa çatıb.
AFN Trend-ə istinadla xəbər verir ki, siyahı artıq hazırdır və az sonra YAP-ın saytında yerləşdiriləcək.
İdarə heyətinin üzvlərindən biri deyib ki, əksər deputatların adı yeni siyahıda yoxdur.
***
Hakim Yeni Azərbaycan Partiyasının (YAP) İdarə Heyətinin iclası keçirilir.
"Report" xəbər verir ki, iclasda 2020-ci ilin fevralın 9-da Milli Məclisə keçiriləcək seçkilərdə YAP-ın namizədlərinin müəyyənləşdirilməsi məsələsi müzakirə olunur.
İclasdan sonra hakim partiyanın deputatlığa namizədlər siyahısı açıqlanacaq.
