SMPDK yanında İctimai Şuraya seçkilərin keçirilməsi üzrə Seçki Komissiyasının iclası keçirilib

Xəbərin çap versiyası
Tarix: 12-09-2017, 15:25    |    Xəbər oxunub: 514 dəfə
SMPDK yanında İctimai Şuraya seçkilərin keçirilməsi üzrə Seçki Komissiyasının iclası keçirilib


Sentyabrın 12-də Standartlaşdırma, Metrologiya və Patent üzrə Dövlət Komitəsi yanında İctimai Şuraya seçkilərin keçirilməsi üzrə Seçki Komissiyasının iclası keçirilib.



İclasda komitə sədrinin müavini, Seçki Komissiyasının sədri Niyazi Rəhimov bildirib ki, ölkənin demokratikləşməsi prosesində vətəndaş cəmiyyəti institutlarının rolu getdikcə artmaqdadır. N.Rəhimov qeyd edib ki, Prezident İlham Əliyev tərəfindən QHT-lərin fəaliyyətinin daha da genişlənməsinə təminat verən çoxsaylı qanun layihələri parlamentə təqdim edilib, eyni zamanda, QHT-lər ölkədə dövlət idarəçiliyi və qanun yaradıcılığı prosesinin iştirakçısına çevriliblər: “2012-ci ildə cənab Prezident tərəfindən “Açıq Hökumətin təşviqinə dair ilk Milli Fəaliyyət Planı” təsdiq edilib. 2016-cı ildə daha bir Fəaliyyət Planı qəbul edilərək ictimai iştirakçılıqla bağlı qarşıya yeni vəzifələr qoyulub. 2014-cü ildə “İctimai iştirakçılıq haqqında” Qanun qüvvəyə minib. Prezident yanında QHT-lərə Dövlət Dəstəyi Şurası yaradılıb, hazırda da uğurla fəaliyyət göstərir. Ölkədə vətəndaş cəmiyyəti ilə hakimiyyətin birgə fəaliyyət göstərdiyi dialoq platformaları mövcuddur. Bu platformaların bir çoxunda birgə qərar qəbul etmə və birgə fəaliyyət formaları mövcuddur ki, bu da ictimai iştirakçılığın ən yüksək səviyyəsi deməkdir”.

Komitə sədrinin müavini müasir dövrdə ölkəmizdə qeyri-neft ixrac potensialının genişləndirilməsi, sahibkarlığın inkişafı, ticarətdə texniki maneələrin aradan qaldırılması istiqamətində Standartlaşdırma, Metrologiya və Patent üzrə Dövlət Komitəsi qarşısında ciddi vəzifələrin durduğunu deyib. Prezident İlham Əliyevin 10 fevral 2017-ci il tarixli Fərmanını xatırladan N.Rəhimov standartlaşdırma, metrologiya, akkreditasiya və patent hüququ obyektlərinin mühafizəsi sahələrində idarəetmənin təkmilləşdiyini, publik hüquqi şəxs statusunda 4 orqanın təsis edildiyini deyib.

Komitənin fəaliyyətində ictimai iştirakçılığı təmin etmək zərurətinin daha da aktuallaşdığını deyən N.Rəhimov bu məqsədlə komitə yanında İctimai Şuraya seçkilərin keçirilməsi məqsədilə komitə sədri R.Həsənovun Əmri ilə Seçki Komissiyasının formalaşdığını qeyd edib.

Sonra İctimai Şuraya seçkilərin keçirilmə qaydaları və Şuranın hüquq və vəzifələri haqqında məlumat verilib. Seçki komissiyasının digər üzvləri - Demokratik Seçki Mərkəzinin sədri Qorxmaz İbrahimli, “Turan İstedadlar” Birliyinin sədri Ceyhun Hacıbəyov, “Ümid” Sosial İnkişafa Dəstək İctimai Birliyinin sədri İsrayıl İsgəndərov və “İqtisadi Resursların Öyrənilməsi” İctimai Birliyinin sədri Ruslan Atakişiyev çıxış edərək vətəndaş cəmiyyəti institutları üçün komitənin yaratdığı şəraitdən razılıqlarını ifadə ediblər. QHT təmsilçiləri İctimai Şuraya seçkilərin yüksək səviyyədə təşkili üçün öz rəy və təkliflərini bildiriblər.

Qərara alınıb ki, komitə yanında İctimai Şuraya seçkilər 31 noyabr 2017-ci il tarixində keçirilsin. Seçkidə iştirak etmək istəyən namizədlərin irəli sürülməsi və qeydiyyatı müddəti sentyabrın 18-dən oktyabrın 20-dək təyin edilib. İctimai Şuraya üzvlərin say həddi 7 nəfər müəyyən edilib.

SMPDK yanında İctimai Şuraya seçkilərin keçirilməsi üzrə Seçki Komissiyasının iclası keçirilib
SMPDK yanında İctimai Şuraya seçkilərin keçirilməsi üzrə Seçki Komissiyasının iclası keçirilib
SMPDK yanında İctimai Şuraya seçkilərin keçirilməsi üzrə Seçki Komissiyasının iclası keçirilib




AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Azərbaycanda bir gündə 84 cinayət törədilib

Azərbaycanda bir gündə 84 cinayət törədilib

Nyu-Yorkda Məmmədyarov-Nalbandyan görüşü başlayıb

Nyu-Yorkda Məmmədyarov-Nalbandyan görüşü başlayıb

İstanbulda İŞİD əməliyyatı:

İstanbulda İŞİD əməliyyatı: 30-dan çox əcnəbi tutulub

"Bank of Baku" müştərini belə soyur- FOTOFAKT

Hərbçi güləşçimiz ermənini məğlub edərək medal aldı

Hərbçi güləşçimiz ermənini məğlub edərək medal aldı

Artur Rasizadəyə ağır itki

Artur Rasizadəyə ağır itki

Vəkil:

Vəkil: “Leyla Şıxlinskaya istintaqa təsir göstərir”

Azərbaycan yenidən Gürcüstana helikopter göndərdi

Azərbaycan yenidən Gürcüstana helikopter göndərdi

Binəli Yıldırım: “Referendum qərarı verənlər bunun əvəzini ödəyəcək”

Binəli Yıldırım: “Referendum qərarı verənlər bunun əvəzini ödəyəcək”

Qənirə Paşayeva Türkiyədə Qazilər Günündə çıxış edərək QHT və KİV-lərə çağırış edib-

Qənirə Paşayeva Türkiyədə Qazilər Günündə çıxış edərək QHT və KİV-lərə çağırış edib- VİDEO+FOTOLAR

OPEC-in baş katibi Azərbaycanı təriflədi

OPEC-in baş katibi Azərbaycanı təriflədi

Bakıda şirkətdən 270 min manata yaxın pul oğurlandı

Bakıda şirkətdən 270 min manata yaxın pul oğurlandı

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur