Ərdoğan Bakıya gələcək
Türkiyə prezidenti Rəcəb Tayyib Ərdoğanın yaxın vaxtlarda Azərbaycana səfər edəcəyi gözlənilir.
Bunu jurnalistlərə Türkiyənin Azərbaycandakı səfiri Erkan Özoral deyib.
O xatırladıb ki, bu yaxınlarda prezident Rəcəb Tayyib Ərdoğan Ukraynaya səfər edəcək: “Azərbaycana səfərin tarixi tam müəyyənləşməsə də, səfərin yaxın zamanlarda olacağı bəllidir”.
Səfir əlavə edib ki, artıq Bakı-Tbilisi-Qars dəmir yolunun tikintisi bitib və çox yaxında açılışı olacaq. Prezidentin səfərinin dəmir yolunun açılışı ilə bağlı olub-olmamasına da münasibət bildirən E. Özoral vurğulayıb ki, onlar ayrı proqramdır: “Prezident dəmir yolunun açılışına kimi də gələ bilər”.