Ekologiya və Təbii Sərvətlər naziri İtaliyanın Azərbaycandakı səfirini qəbul edib
Ekologiya və Təbii Sərvətlər Nazirliyində nazir Muxtar Babayevlə İtaliya Respublikasının Azərbaycandakı fövqəladə və səlahiyyətli səfiri Augusto Massari arasında tanışlıq görüşü keçirilib.
Ekologiya və Təbii Sərvətlər Nazirliyinin mətbuat xidmətindən AFN-ə verilən məlumata görə, görüş zamanı ətraf mühit, meşələrin mühafizəsi, su bioresurslarının davamlı idarə edilməsi və qarşılıqlı maraq doğuran digər məsələlər müzakirə edilib.
