İşəgötürənlərə əmək qanunvericiliyi və onun tətbiqi ilə bağlı məlumatlar verilib

Xəbərin çap versiyası
Tarix: 13-06-2018, 16:51    |    Xəbər oxunub: 848 dəfə
İşəgötürənlərə əmək qanunvericiliyi və onun tətbiqi ilə bağlı məlumatlar verilib


Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti 2018-ci il üzrə Tədbirlər Planına uyğun olaraq, əmək qanunvericiliyi və onun tətbiqinə dair təbliğat-marifləndirmə tədbirlərini davam etdirir. Bu istiqamətdə növbəti seminarlar Sumqayıt şəhərində, Şəki və Siyəzən rayonlarında təşkil olunub. Tədbirlərdə qeyd olunan şəhər və rayonlarda, habelə ətraf rayonlarda fəaliyyət göstərən işəgötürənlərin nümayəndələri iştirak edib.

Sumqayıt şəhərində “Uşaq əməyinin istismarının qarşısının alınması” mövzusunda keçirilən seminarda uşaq əməyinin mənfi nəticələri, cəmiyyətə vurduğu ziyan barədə məlumat verilib. Tədbirdə uşaq əməyinə münasibətdə qanunvericilikdə əksini tapan prinsiplər, 15 yaşından 18 yaşınadək olanlarla əmək münasibətlərinin qurulmasının hüquqi əsasları diqqətə çatdırılıb. Tədbirdə işəgötürənlərin nümayəndələri ilə yanaşı, bir sıra orta məktəblərin yuxarı sinif şagirdləri, müəllimləri də iştirak edib.

“Əməyin mühafizəsi normaları, qaydaları və prinsipləri” mövzusunda Şəki rayonunda təşkil olunan seminarda əməyin mühafizəsi ilə bağlı qanunvericilikdən irəli gələn tələblərə əməl olunmamasının istehsalat qəzalarının baş verməsinə səbəb olduğu vurğulanıb. İş yerinin əməyin mühafizəsi normaları və qaydalarının tələblərinə uyğun olmasına, işçi üçün sağlam və təhlükəsiz əmək şəraitinin təmin olunmasına işəgötürənlərin cavabdehlik daşıdıqları qeyd olunub, əməyin mühafizəsi normaları, qaydaları və prinsipləri barədə ətraflı məlumatlar verilib.

Siyəzən rayonunda “Əmək müqavilələrinin bağlanması, şərtlərinin dəyişdirilməsi və xitam verilməsinin əsasları və qaydaları” mövzusunda keçirilən seminarda isə əmək müqaviləsinin tərəfləri və məzmunu, forması, müddəti, həmin müqavilənin bağlanması və ona dəyişikliklərin edilməsi qaydası, müddətli əmək müqaviləsi bağlanan hallar və s. barədə əmək qanunvericiliyindən irəli gələn tələblər iştirakçıların diqqətinə çatdırılıb. Əmək müqaviləsinin əmək münasibətlərinin əsas şərtlərini, tərəflərin hüquq və vəzifələrini əks etdirən yazılı müqavilə olduğu, işçinin əmək və sosial hüquqlarının təminatında əsas hüquqi sənəd rolunu oynadığı vurğulanıb.

Hər üç seminarda iştirakçılara müvafiq mövzular barədə maarifləndirici çap materialları da təqdim edilib, onların əmək münasibətlərinin hüquqi tənzimlənməsi ilə bağlı sualları ilə bağlı izahatlar verilib.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Qarabağda erməni əsgər öldürülüb

Qarabağda erməni əsgər öldürülüb

Rəqəmsal Dünyanın ilk təcrübəçiləri -

Rəqəmsal Dünyanın ilk təcrübəçiləri - “Azercell-Lab” təcrübə proqramının qalibləri elan edildi

Qənirə Paşayeva və Arzu Bağırova tanınmış media nümayəndələri ilə görüşüb -

Qənirə Paşayeva və Arzu Bağırova tanınmış media nümayəndələri ilə görüşüb - FOTOLAR

AZAL-ın təyyarəsində problem yarandı,

AZAL-ın təyyarəsində problem yarandı, "Neftçi" Rusiyaya uça bilmədi - FOTO

"Qarabağ" İrlandiya çempionuna qarşı

Saleh Məmmədovun gördüyü iş:

Saleh Məmmədovun gördüyü iş: Şəkidə analoqu olmayan yol (FOTO)

Gömrükdə tender müəmması

Gömrükdə tender müəmması

Beynəlxalq Astronavtika Federasiyasının nümayəndələri EHİM-də

Beynəlxalq Astronavtika Federasiyasının nümayəndələri EHİM-də

Dövlət Komitəsində Ağdamın işğal günü ilə bağlı tədbir keçirilib

Dövlət Komitəsində Ağdamın işğal günü ilə bağlı tədbir keçirilib

3 ay əvvəl açılışı olan park baxımsız vəziyyətdə  -

3 ay əvvəl açılışı olan park baxımsız vəziyyətdə - FOTOLAR

Hüseyn Abdullayevin məhkəməsi təxirə salınıb

Hüseyn Abdullayevin məhkəməsi təxirə salınıb

“Nar” şəbəkəsi gücləndirilmiş iş rejiminə keçirilib

“Nar” şəbəkəsi gücləndirilmiş iş rejiminə keçirilib

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur