“Fuji” humanitar missiyası Dövlət Komitəsində olub

Xəbərin çap versiyası
Tarix: 10-07-2018, 13:08    |    Xəbər oxunub: 519 dəfə
“Fuji” humanitar missiyası Dövlət Komitəsində olub


Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Yaponiyanın “Fuji Optical Co. Ltd” şirkətinin rəhbəri, dünya şöhrətli oftalmoloq Akio Kanainin başçılıq etdiyi nümayəndə heyəti ilə görüşüb.

Komitədən AFN-ə verilən məlumata görə, R.Rzayev Yaponiyanın ölkəmizlə əməkdaşlığını yüksək qiymətləndirərək, humanitar missiyanın fəaliyyətinin xalqlarımız arasında dostluq əlaqələrinin daha da möhkəmlənməsinə xidmət etdiyini bildirib. Ermənistanın hərbi təcavüzü və işğalçılıq siyasəti nəticəsində qaçqın və məcburi köçkün vəziyyətinə düşən soydaşlarımızın bu missiyadan davamlı olaraq faydalandığı razılıq hissi ilə qeyd edilib.

Qonaqlara məlumat verilib ki, Azərbaycan dövləti məcburi köçkünlərin sosial problemlərinin həlli istiqamətində ardıcıl tədbirlər həyata keçirir. Prezident İlham Əliyev bu sahədə məqsədyönlü, düşünülmüş siyasət aparır, mühüm dövlət proqramları icra edilir. Birinci vitse-prezident xanım Mehriban Əliyeva yaşayış üçün təhlükəli binalarda müvəqqəti məskunlaşmış məcburi köçkün ailələrini yeni mənzillərlə təmin edilməsi məsələsinə xüsusi diqqət göstərir.

Görüşdə “Fuji” humanitar missiyasının qaçqın, məcburi köçkün və aztəminatlı ailələrə göstərilən optometrik xidmətlərə görə təşəkkür edilib. Qeyd edilib ki, missiyanın həyata keçirilməyə başladığı 2005-ci ildən bu günə kimi 54 minədək yüksək keyfiyyətli optik eynək və digər əşyalar soydaşlarımıza ianə edilib. 28 mindən artıq qaçqın, məcburi köçkün və aztəminatlı şəxs “Fuji” humanitar missiyasının xidmətlərindən faydalanıb. Bu il isə humanitar missiya bu təbəqədən olan 2500-dək insanı müayinə edib. Eyni zamanda Akio Kanainin Yaponiyanın “Yomiuri” qəzetinin ən yüksək mükafatı “Yomiuri Şinbun Beynəlxalq Əməkdaşlıq Mükafatı”na layiq görülməsi və mükafatın 5 milyon yen həcmində maliyyə vəsaitinin Azərbaycandakı məcburi köçkünlərin sosial problemlərinin həllinə köməklik məqsədilə ayrılması məmnunluqla xatırlanıb.

Akio Kanai Azərbaycanda məcburi köçkünlər üçün yaradılan şəraitin təqdirəlayiq olduğunu qeyd edib. O, missiyanın uğurla həyata keçirilməsinə lazımi kömək göstərdiyinə görə Azərbaycan hökumətinə, yerli icra strukturlarına minnətdarlığını bildirib. Akio Kanai missiyanın gələcəkdə də davam etdiriləcəyini söyləyib. Görüşdə eyni zamanda BMT-nin Qaçqınlar üzrə Ali Komissarının (BMT QAK) Azərbaycana yeni təyin olunmuş nümayəndəsi Quido Ambroso ilə tanışlıq olub. Diplomat 1995-1997-ci illərdə də ölkəmizdə çalışdığını bildirib. O, ötən dövr ərzində Azərbaycanda baş vermiş dəyişiklikləri, inkişafı yüksək qiymətləndirib. Xüsusi ilə məcburi köçkünlərlə bağlı dövlət tərəfindən həyata keçirilən layihələrin təqdirəlayiq olduğu diqqətə çatdırılıb. Dövlət Komitəsinin sədri Quido Ambrosoya fəaliyyətində uğurlar arzu edib.

Görüş qarşılıqlı maraq doğuran digər məsələlərin müzakirəsi ilə davam edib.goo




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
Yaponiya bankının İrana sanksiya tətbiq etməsi nəyi dəyişəcək?-

Yaponiya bankının İrana sanksiya tətbiq etməsi nəyi dəyişəcək?- ŞƏRH

Sahil Babayev Lənkəran rayonunda 5 rayonun sakinləri ilə görüşüb

Sahil Babayev Lənkəran rayonunda 5 rayonun sakinləri ilə görüşüb

“Nar TV” xidmətinə qoşul, pulsuz TV tüner əldə et!

“Nar TV” xidmətinə qoşul, pulsuz TV tüner əldə et!

Qənirə Paşayeva Masallıda Aprel döyüşləri şəhidlərinin ailələrini ziyarət edib-

Qənirə Paşayeva Masallıda Aprel döyüşləri şəhidlərinin ailələrini ziyarət edib- FOTOLAR

"Asan İmza"dan istifadə 2,5 manat oldu: üstünlüklər haqda

Daşınmaz əmlak idarəçiliyi və özəlləşmə sahəsində əməkdaşlıq əlaqələri genişlənir

Daşınmaz əmlak idarəçiliyi və özəlləşmə sahəsində əməkdaşlıq əlaqələri genişlənir

Tehran Konvensiyasının Tərəflər Konfransının növbədənkənar sessiyası keçirilib

Tehran Konvensiyasının Tərəflər Konfransının növbədənkənar sessiyası keçirilib

Prezident Parisdə bır sıra görüşlər keçirib-

Prezident Parisdə bır sıra görüşlər keçirib- YENİLƏNİB

Paşinyan Qarabağda müharibə riski haqda:

Paşinyan Qarabağda müharibə riski haqda: Rusiya buna imkan verməz

İmişli və Siyəzən rayonlarında əmək yarmarkaları keçirilib

İmişli və Siyəzən rayonlarında əmək yarmarkaları keçirilib

Sabah Bakıda havanın temperaturu 32 dərəcə olacaq

Sabah Bakıda havanın temperaturu 32 dərəcə olacaq

Xidməti vətəndaş ünvanına aparan kampaniya bu dəfə Yevlaxda

Xidməti vətəndaş ünvanına aparan kampaniya bu dəfə Yevlaxda

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur