Yeni qaydalar tələbələr arasında rəqabət yaradacaq- nazir


Yeni qaydalar tələbələr arasında rəqabət yaradacaq-


Nazirlər Kabinetinin tapşırığı ilə ali məktəblərdə müvəffəqiyyət göstəriciləri əsasında dövlət hesabına maliyyələşən təqaüd yerlərinin sayının 16 min artırılması ilə bağlı artıq ilkin təkliflər var.

Modern.az xəbər verir ki, bunu təhsil naziri Ceyhun Bayramov keçirdiyi brifinqdə deyib.

Onun sözlərinə görə, bir ay ərzində həmin yerlərin ixtisaslar üzrə bölgüsü təsdiq olunacaq.

Nazir qeyd edib ki, ilkin təkliflər hazırlanıb və hökumət tərəfindən təsdiq olunduqdan sonra ictimaiyyətə ətraflı məlumat veriləcək.

Nazir bildirib ki, yeni qaydalar tələbələr arasında rəqabət yaradacaq: “Təqaüd almaq hər bir tələbənin istəyidir. Yaxşı yadımdadır biz də ali təhsil alarkən yüksək təqaüd almaq üçün can atırdıq. Hesab edirəm bugünkü sistem eyni rəqabətə imkan verir. Düzdür, həmin dövrlə indi verilən təqaüdləri müqayisə etmək çətindir. Səhv etmirəmsə, o zaman adi təqaüd 40-45, əlaçı təqaüdü 60 manat idi. O vaxtdan sonra milli valyuta dəfələrlə dəyişib və bu gün bir fərqli dövrdə yaşayırıq. Bununla yanaşı artım nəticəsində akademik göstəricisi yüksək olan tələbə artıq 130 manat təqaüd alacaq. 1990-95-ci illərdə mən tələbə olarkən aldığım təqaüddən daha yüksəkdir”.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu