Azərbaycanda peşə standartlarının hazırlanması və tətbiqi ilə bağlı seminar keçirilir

Xəbərin çap versiyası
Tarix: 14-03-2019, 15:44    |    Xəbər oxunub: 507 dəfə
Azərbaycanda peşə standartlarının hazırlanması və tətbiqi ilə bağlı seminar keçirilir


Kadr hazırlığı sisteminin əmək bazarında ixtisas bilikləri və bacarıqlarına olan tələblərlə uyğunluğunun təmin edilməsi aparılan islahatların mühüm bir istiqamətini təşkil edir. Peşə standartlarının tətbiqi isə əmək bazarında həmin tələblərlə bağlı institutlaşmış informasiya bazası formalaşdıracaq.

AFN xəbər verir ki, bunu əmək və əhalinin sosial müdafiəsi nazirinin müavini Anar Əliyev ölkəmizdə peşə və kvalifikasiya standartlarının hazırlanması və tətbiqi ilə əlaqədar nazirliklə Avropa Təlim Fondunun (ATF) birgə təşkil etdiyi “Azərbaycanda peşə və kvalifikasiya standartlarının inkişafı və tətbiqi: maraqlı tərəflər üçün praktiki təlimatın hazırlanması” mövzusunda seminarın açılışı zamanı bildirib.

Nazir müavini diqqətə çatdırıb ki, əmək bazarının ixtisaslı işçi qüvvəsi ilə təmin edilməsində, təhsil proqramlarının (kurikulumların) hazırlanmasında, qeyri-formal və informal üsullarla əldə edilmiş səriştələrin tanınmasında, qeyri-formal məşğulluqla mübarizədə peşə və kvalifikasiya standartlarının hazırlanması və tətbiqi xüsusi önəm kəsb edir. Azərbaycan Respublikasının Prezidenti cənab İlham Əliyevin 9 oktyabr 2017-ci il tarixli 3287 nömrəli Sərəncamı ilə təsdiq edilmiş “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”nında bununla bağlı tapşırıq əksini tapıb. Həmin tapşırığın icrası olaraq ATF və Avropa İttifaqının dəstəyi ilə müvafiq işlər aparılır. Bu işlər çərçivəsində “Peşə və kvalifikasiya standartlarının hazırlanması, yenidən hazırlanması, təsdiq edilməsi və qeydiyyatının aparılması Qaydaları”nın təsdiq edilməsi və “Bacarıqların inkişaf etdirilməsi üzrə sahə komissiyalarının yaradılması və əsasnaməsinin təsdiq edilməsi haqqında” Nazirlər Kabinetinin Qərar layihələri hazırlanıb. Həmin layihələr müvafiq qurumların rəyləri nəzərə alınaraq təkmilləşdirilib və yaxın vaxtlarda təsdiq edilməsi məqsədilə hökümətə təqdim olunacaq.

A.Əliyev qeyd olunan yeni qaydalara uyğun hazırlanacaq standartların ömürboyu təhsil üzrə Milli Kvalifikasiyalar Çərçivəsinin tətbiqi, təhsil proqramları ilə əmək bazarı arasında uyğunluğun təmin olunması və s. baxımından əhəmiyyətini qeyd edib.

Seminar aidiyyəti qurumların, işəgötürənlərin nümayəndələrinin və digər maraqlı tərəflərin, beynəlxalq ekspertlərin iştirakı ilə peşə və kvalifikasiya standartlarının hazırlanması üzrə yeni mexanizmin müzakirəsi, istifadəçilər üçün müvafiq təlimat kitabçasının razılaşdırılması məqsədinə yönəlib. Tədbirin gündəliyinə Türkiyə və Estoniyadan gəlmiş ekspertlərin bu sahədə öz ölkələrinin təcrübələrini bölüşməsi də daxildir.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
“Veysəloğlu” Qarabağ veteranları, şəhid və aztəminatlı ailələrə Novruz bayramı sovqatı paylayıb

“Veysəloğlu” Qarabağ veteranları, şəhid və aztəminatlı ailələrə Novruz bayramı sovqatı paylayıb

Niderland Krallığında nano texnologiyalar üzrə şirkət yaradan azərbaycanlı

Niderland Krallığında nano texnologiyalar üzrə şirkət yaradan azərbaycanlı

“Türk Dünyasına xidmətlərinə görə” mükafatlandırma-

“Türk Dünyasına xidmətlərinə görə” mükafatlandırma- Ankarada ödül alanlar arasında Aqil Ələsgər də var

74 milyard dollarlıq şübhəli mülklər tapıldı:

74 milyard dollarlıq şübhəli mülklər tapıldı: sahibləri kimlərdir?

Azercell əmək sərgisində iştirak edib

Azercell əmək sərgisində iştirak edib

Ərdoğan ABŞ prezidentini sərt tənqid etdi:

Ərdoğan ABŞ prezidentini sərt tənqid etdi: “Trampın uğursuz açıqlaması...”

Gürcüstan prezidenti azərbaycanlılarla rusca danışmaqdan imtina etdi

Gürcüstan prezidenti azərbaycanlılarla rusca danışmaqdan imtina etdi

BTC ilə nəql olunan Türkmənistan neftinin proqnozlaşdırılan həcmi açıqlanıb

BTC ilə nəql olunan Türkmənistan neftinin proqnozlaşdırılan həcmi açıqlanıb

Sabah 17 dərəcə isti olacaq

Sabah 17 dərəcə isti olacaq

Birinci qrup əlilliyə görə əmək pensiyası alanlara  və onlara qulluq edənlərə gələn aydan təqaüd veriləcək

Birinci qrup əlilliyə görə əmək pensiyası alanlara və onlara qulluq edənlərə gələn aydan təqaüd veriləcək

“Azercell

“Azercell" “Ən yaxşı mobil operator” adına layiq görülüb

Azərbaycan Prezidenti pakistanlı həmkarını təbrik edib

Azərbaycan Prezidenti pakistanlı həmkarını təbrik edib

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur