Bayram ərəfəsində cəbhə bölgəsində geniş “Kütləvi çıxarış” kampaniyası keçirilib

Xəbərin çap versiyası
Tarix: 19-03-2019, 14:59    |    Xəbər oxunub: 534 dəfə
Bayram ərəfəsində cəbhə bölgəsində geniş “Kütləvi çıxarış” kampaniyası keçirilib


Azərbaycan Respublikasının Prezidenti cənab İlham Əliyevin tapşırıqlarına uyğun olaraq cəbhə bölgəsində yaşayan vətəndaşların mənzil şəraitinin, güzəranlarının, o cümlədən yaşayışının yaxşılaşdırılması istiqamətində bir sıra tədbirlər həyata keçirilir. Buna uyğun olaraq xidmətlərin həmin ərazilərdə yaşayan vətəndaşlara daha rahat və innovativ üsullarla təqdim edilməsi Əmlak Məsələləri Dövlət Komitəsinin əsas məqsədidir.

Komitə cəbhə bölgələrində yaşayan əhaliyə mütəmadi olaraq ünvanlardaca daşınmaz əmlakın qeydiyyatı ilə bağlı səyyar xidmətlər göstərir. Sosial əhəmiyyətli “Kütləvi çıxarış” kampaniyası bu dəfə Novruz bayramı ərəfəsində, martın 19-da Ağdam rayonunda keçirildi. Cəbhə bölgəsini əhatə edən budəfəki “Kütləvi çıxarış” kampaniyası geniş şəkildə keçirilməklə Ağdamın 12 kəndini əhatə etdi. Belə ki, rayonun Xındırıstan, Dadaşlı, Baharlı, Paşabəyli, 1-ci və 2-ci Yüzbaşlı, Əhmədağalı, o cümlədən Böyükbəyli, Sarıcalı, Kəlbəhüseynli, Çəmənli, Sarıçoban kəndlərindən olan 200-ə yaxın sakinə ünvanlarındaca çıxarışlar təqdim edildi. Verilən çıxarışlar isə əsasən, fərdi yaşayış evlərini, pay torpaqlarını, həyətyanı torpaqları əhatə edib. Xidmətdən istifadə edənlər arasında Qarabağ müharibəsinin iştirakçıları, şəhid ailələri, döyüşlərdə xəsarət almış şəxslər də olub. Kampaniya zamanı şəhid ailələrinə çıxarışlar evlərində təqdim olundu.

Ənənəvi hal alan “Kütləvi çıxarış” kampaniyası cəbhə ərazilərində yaşayan sakinlərin əmlaklarının qeydiyyata alınma prosesini birbaşa yerlərdə aparmaqla əlçatanlığı artırır. Elə həmin gün çıxarış verilməsi məqsədilə 80-ə yaxın sakindən əmlaklarına dair ilkin sənədlər toplandı. Ağdam rayonunda sakinlərin çıxarışlarla təmin olunması ilə yanaşı, bu sahədə digər hüquqi xidmətlər də göstərilib. Belə ki, çıxarışların təqdim olunma qaydası, bu xidmətin göstərilməsi üçün lazım olan sənədlər, həmin sənədlərin başqa qurumlardan alınması kimi prosedurlar izah olunub. Komitənin fəaliyyətində istifadə olunan yeniliklər, müxtəlif sadələşmiş və elektron formada göstərilən xidmətlər barədə sakinlər əməkdaşlar tərəfindən məlumatlandırılıb. Bundan başqa mobil ofislərdə yaradılan şərait nəticəsində mütəxəssislər çıxarış veriləcək əmlakların müayinəsini, çöl-ölçmə işlərini, texniki plan-ölçülərinin müəyyən olunmasını həyata keçiriblər. Kampaniyadan istifadə edən bütün vətəndaşlar göstərilən yüksək səviyyəli xidmətdən razılıqlarını bildirdilər. Bu kampaniyanın Novruz bayramı ərəfəsində keçirilməsi isə əhalinin bayram sevincini daha da artırdı.

Çıxarışlarını alan cəbhə bölgəsinin sakinləri əmlaklarını tam istifadə etmək hüququna malik olur. Bununla əmlak daha rahat şəkildə iqtisadi əməliyyatlara cəlb edilir. Həmçinin belə tədbirlər cəbhə bölgəsi əhalisinin əmlakla bağlı ictimai-siyasi sahədə fəaliyyətə qoşulmağına dəstək olur. Qeyd edək ki, Əmlak Məsələləri Dövlət Komitəsi tərəfindən belə mobil xidmətlər cəbhə bölgələri və digər regionlarda da davam edərək vətəndaş rahatlığı və məmnunluğunu artıracaq.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
BDYPİ və Bakı Beynəlxalq Avtovağzal Kompleksi birgə maarifləndirici tədbir keçirib

BDYPİ və Bakı Beynəlxalq Avtovağzal Kompleksi birgə maarifləndirici tədbir keçirib

Övladlığa götürülmə ilə bağlı yeni tələblər

Övladlığa götürülmə ilə bağlı yeni tələblər

İstixana şəraitində zərərvericilərə qarşı bioloji mübarizə tətbiz edilib-

İstixana şəraitində zərərvericilərə qarşı bioloji mübarizə tətbiz edilib- Azərbaycanda ilk

Qənirə Paşayeva BDU-da

Qənirə Paşayeva BDU-da "Kəpənək effekti" layihəsi çərçivəsində geniş çıxış edib və gənclərə çağırış edib

Binəqədinin yol dərdi...

Binəqədinin yol dərdi...

Rəsmi Bakıdan Ermənistan XİN-in açıqlamasına reaksiya

Rəsmi Bakıdan Ermənistan XİN-in açıqlamasına reaksiya

Əlilliklə bağlı göndərişləri Dövlət Agentliyi rəsmiləşdirəcək

Əlilliklə bağlı göndərişləri Dövlət Agentliyi rəsmiləşdirəcək

Bacı 25 ildir qardaşını zəncirdə saxlayır?-

Bacı 25 ildir qardaşını zəncirdə saxlayır?- Yeni təfərrüatlar

Ruhi dispanserə yerləşdirilən Britni Spirsin son görüntüləri-

Ruhi dispanserə yerləşdirilən Britni Spirsin son görüntüləri- FOTOLAR

Finlandiya Meteorologiya İnstitutunun mütəxəssisləri MHD-də treninq keçirib

Finlandiya Meteorologiya İnstitutunun mütəxəssisləri MHD-də treninq keçirib

23 yaşlı qızın intiharının dəhşətli təfərrüatı:

23 yaşlı qızın intiharının dəhşətli təfərrüatı: Atası çatsa da, saxlaya bilməyib-VİDEO

Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb

Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur