ƏMDK fermer təsərrüfatlarında qeydiyyat xidməti göstərib

Xəbərin çap versiyası
Tarix: 9-08-2019, 13:42    |    Xəbər oxunub: 522 dəfə
ƏMDK fermer təsərrüfatlarında qeydiyyat xidməti göstərib


Əmlak Məsələləri Dövlət Komitəsi “Əmlakını qeydiyyata al və mülkiyyətinə sahib ol” kampaniyası çərçivəsində avqustun 9-da Yevlax rayonunun Qoyunbinəsi kəndində səyyar qeydiyyat xidmətləri göstərib.

Komitənin mətbuat xidmətindən AFN-ə verilən məlumata görə, həmçinin elektron çıxarışın hazırlanması üçün əmlaklara dair ilkin sənədlər yerindəcə toplanıb. Bu dəfə fərqli addım atılaraq mobil qeydiyyat ofisləri birbaşa olaraq kəndli fermer təsərrüfatlarında olub.

Bu kənddə yerləşən fermer təsərrüfatlarında, əkin sahələrində çalışan 70-ə yaxın sakindən ilkin sənədlər iş başındaca toplanıb. Bunlardan 35-i kənd təsərrüfatı sahələrinə, 25-i fərdi yaşayış evlərinə, 10-u isə həyətyanı sahələrə aid olub.

Kəndlinin əmlaklarına dair sənədləri elə iş başındaca, heç bir yerə getmədən daha rahat təqdim etməsi qeydiyyat xidmətlərinin sadələşməsindən, vətəndaşa daha yaxın olmasından irəli gəlir. Bu kampaniya vətəndaşların vaxtını sərf edərək, uzun məsafə qət etməklə rayon mərkəzlərinə, aidiyyəti qurumlara getməsinin qarşısını alır. Bu isə kənd təsərrüfatı ilə məşğul olan insanların vaxtlarını daha səmərəli şəkildə planlaşdırmasına imkan verir.

Kampaniyanın bilavasitə əkin sahələrində keçirilməsinin sosial əhəmiyyəti ilə yanaşı iqtisadi faydası da var. Belə ki, kəndlinin işdən ayrılmadan sənədlərini təqdim etməsi onların fəaliyyətinin stimullaşdırılmasına şərait yaradır. Komitə tərəfindən sosial əhəmiyyəti yüksək olan bu aksiyanın Qurban bayramı ərəfəsində keçirilməsi isə vətəndaş razılığına səbəb olub.

Həmin gün yaxın ətrafda yerləşən digər kəndlərdən 50-ə yaxın vətəndaş mobil ofislərə müraciət edib. Onlara elektron çıxarışın hazırlanması üçün lazım olan sənədlər barəsində məlumat verilib, hüquqi yardım göstərilib.

Həmçinin sakinlər üçün daşınmaz əmlakın qeydiyyatı ilə bağlı maarifləndirmə tədbiri də keçirilib. Maarifləndirmə çərçivəsində vətandaşlara bildirilib ki, artıq əmlaklara dair çıxarışlar kağız formasında deyil, elektron qaydada əldə edilir. Həmin mülkiyyət sənədi şəxsin Elektron hökumət portalına yerləşdirilir. Çıxarışlar barədə bütün məlumatlar şəxsin telefon nömrəsinə və elektron poçt ünvanına göndərilir. Elektron qaydada göndərilən informasiyada çıxarışın reyestr, qeydiyyat nömrələri, elektron çıxarışın yoxlanılması ilə bağlı keçid linki göstərilib.

Qeyd edilməlidir ki, mobil qeydiyyat ofisləri vasitəsilə cari ilin 6 ayı ərzində 40 minə yaxın vətəndaşa xidmət göstərilib.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Pilotun xanımı:

Pilotun xanımı: “Oğluma necə deyəcəm ki, atan bir də qayıtmayacaq?” - FOTOLAR

“Nar”ın abunəçi bazası sürətlə artmaqdadır

“Nar”ın abunəçi bazası sürətlə artmaqdadır

Koreya səfiri Pirşağıda reallaşdırılan layihəyə baxış keçirib

Koreya səfiri Pirşağıda reallaşdırılan layihəyə baxış keçirib

Pediatr Mehriban Əliyevaya müraciət etdi:

Pediatr Mehriban Əliyevaya müraciət etdi: "Yersiz süni qida təyin edən həkimə cəza verilsin!"

"Aspor" idman kanalından Əbülfəz Elçibəyə böyük sayğı - VİDEO

Bakıda bazarda güclü yanğın başladı -

Bakıda bazarda güclü yanğın başladı - VİDEO

ADAU Şəmkirdə fermerlərə təlim keçib

ADAU Şəmkirdə fermerlərə təlim keçib

Dövlət Komitəsinin sədri və sədr müavinləri bölgələrdə vətəndaşları qəbul edəcəklər

Dövlət Komitəsinin sədri və sədr müavinləri bölgələrdə vətəndaşları qəbul edəcəklər

Misir Mərdanovun kurrikulumu kütləvi savadsızlığa gətirib çıxardı -

Misir Mərdanovun kurrikulumu kütləvi savadsızlığa gətirib çıxardı - TƏHLİL

Azərbaycanlı nazirin atası 50 ildir eyni vəzifədə işləyirmiş –

Azərbaycanlı nazirin atası 50 ildir eyni vəzifədə işləyirmiş – həm də 95 yaşında...

İsrailin Azərbaycandan İraqı bombalaması xəbərinə

İsrailin Azərbaycandan İraqı bombalaması xəbərinə rəsmi münasibət-VİDEO

Elektron qeydiyyat xidmətindən istifadə edənlərin sayı artır

Elektron qeydiyyat xidmətindən istifadə edənlərin sayı artır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur