Əsas Səhifə > Son Dəqiqə > Tərtər rayonu ərazisində növbəti monitorinq keçirilib

Tərtər rayonu ərazisində növbəti monitorinq keçirilib


14-05-2019, 17:41.
title}
Tərtər rayonu ərazisində növbəti monitorinq keçirilib


Mayın 14-də ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, Tərtər rayonu ərazisində yerləşən Azərbaycan və Ermənistan qoşunlarının təmas xəttində növbəti monitorinq keçirilib.

AFN xəbər verir ki, monitorinqdən əvvəl ATƏT-in fəaliyyətdə olan sədrinin şəxsi nümayəndəsinin səhra köməkçiləri Mixail Olaru və Saymon Tiller Tərtər rayon İcra Hakimiyyətinin başçısı Müstəqim Məmmədovla görüşüblər.

Tərtər Rayon İcra Hakimiyyətində keçirilən görüşdə ermənilərin yaşayış məntəqələrini atəşə tutması nəticəsində yaranan problemlər, cəbhə xəttində yaşayan dinc əhalinin üzləşdiyi çətinliklər barədə məlumat verilib. Rayon rəhbəri bildirib ki, Ermənistan silahlı birləşmələri rayonun təmas xəttinə yaxın olan yaşayış məntəqələrini daim atəş altında saxlayır, dinc əhalinin təsərrüfat işləri ilə məşğul olmasına imkan vermir.

Diqqətə çatdırılıb ki, sonuncu monitorinqin keçirildiyi 2019-cu ilin fevral ayının 12-dən indiyədək atəşkəs rejimi 75 dəfə pozulub. Ötən monitorinqin keçirildiyi istiqamətdə əsasən rayonun Borsunlu, Ağkənd və Dəmirçilər kəndləri mütəmadi olaraq iriçaplı silahlardan atəşə tutulub.

ATƏT-in fəaliyyətdə olan sədrinin şəxsi nümayəndəsinin səhra köməkçiləri ətraflı məlumat üçün təşəkkür ediblər.

Monitroinq insidentsiz başa çatıb.
Geri qayıt